News February 10, 2025
ஆளுநருக்கு எதிரான வழக்கில் தீர்ப்பு ஒத்திவைப்பு
ஆளுநர் ஆர்.என்.ரவிக்கு எதிரான தமிழக அரசின் வழக்கில் உச்ச நீதிமன்றம் தீர்ப்பை ஒத்திவைத்துள்ளது. தமிழ்நாடு சட்டசபையில் நிறைவேற்றப்படும் மசோதாக்களுக்கு ஆளுநர் ஒப்புதல் வழங்காமல் நிறுத்தி வைப்பதை எதிர்த்து தமிழக அரசு வழக்கு தொடர்ந்திருந்தது. இந்த வழக்கை கடந்த சில நாள்களாக விசாரித்த உச்ச நீதிமன்றம் ஆளுநரிடம் அடுக்கடுக்கான கேள்வி எழுப்பியிருந்த நிலையில், தற்போது தீர்ப்பு ஒத்திவைக்கப்பட்டுள்ளது.
Similar News
News February 11, 2025
என் உடலை லவ் பண்றேன்: மனம் திறந்த தமன்னா
தன் உடலை நேசிப்பது எவ்வளவு அவசியம் என்பதை தமன்னா மனம் திறந்து பேசியுள்ளார். நான் என் உடலை நேசிக்கிறேன். ஒவ்வொரு நாள் முடிவிலும், ஷவரில் குளிக்கும் போது, என் உடல் பாகம் ஒவ்வொன்றையும் தொட்டு நன்றி சொல்கிறேன். கேட்பதற்கு உங்களுக்கு வேடிக்கையாக இருக்கலாம். ஆனால், நாள் முழுவதும் நான் உழைக்க உதவும் உடலை ஆராதிக்க வேண்டும் தானே என்று கேட்கிறார் தமன்னா. பாடி பாசிடிவிடியை எப்போது வலியுறுத்துபவர் தமன்னா.
News February 11, 2025
Open AI-க்கு ₹8.46 லட்சம் கோடி ஆஃபர் அறிவித்த மஸ்க்
Open AI நிறுவனத்தை ₹8.46 லட்சம் கோடிக்கு வாங்க எலான் மஸ்க் விருப்பம் தெரிவித்துள்ளார். ஆனால், இதில் துளியும் விருப்பமில்லாத அந்நிறுவனத்தின் CEO அல்ட்மேன், மஸ்க்கிற்கு ஓகே என்றால் இதே விலைக்கு, அவரது X நிறுவனத்தை வாங்க தயாராக இருப்பதாக பதிலடி கொடுத்துள்ளார். கடந்த 2015ல் Open AI நிறுவனத்தை மஸ்க், அல்ட்மேன் இணைந்து உருவாக்கியதும், பின்னர் கருத்து முரண்களால் மஸ்க் வெளியேறியதும் குறிப்பிடத்தக்கது.
News February 11, 2025
BREAKING: சீட் பிடிப்பதில் சண்டை: மாணவன் உயிரிழப்பு
தனியார் பள்ளி வாகனத்தில் சீட் பிடிப்பது தொடர்பாக மாணவர்கள் இடையே ஏற்பட்ட மோதலில் ஒரு மாணவன் உயிரிழந்தான். சேலம் எடப்பாடியில், நேற்று பள்ளி முடிந்து வீடு திரும்ப வாகனத்தில் ஏறிய மாணவர்கள், சீட் பிடிக்க சண்டையிட்டுள்ளனர். அப்போது ஒரு மாணவன் எட்டி உதைத்ததில், மார்பில் காயமடைந்த 9-ம் வகுப்பு மாணவன், சிகிச்சை பலனின்றி உயிரிழந்தான். இதனால், பாதுகாப்பு கருதி, பள்ளி முன்பு போலீஸ் குவிக்கப்பட்டுள்ளனர்.