News February 9, 2025
2026ல் தமிழகத்திலும் தாமரை மலரும்: தமிழிசை
தலைநகரிலேயே தாமரை மலரும்போது, தமிழகத்திலும் 2026ல் தாமரை மலரும் என தமிழிசை செளந்தரராஜன் நம்பிக்கை தெரிவித்துள்ளார். ஊழலை ஒழிப்போம் என்று சொல்லி ஆட்சிக்கு வந்த கெஜ்ரிவால், ஊழல் குற்றச்சாட்டில் சிறைக்கு சென்றதாக விமர்சித்தார். மேலும், INDIA கூட்டணியில் இடம்பெற்றுள்ள காங்கிரஸ் தோல்வி அடைந்ததற்கு திமுக கவலைப்பட வேண்டும் என்றும் அவர் கூறினார்.
Similar News
News February 9, 2025
திமுக நிர்வாகி எஸ்.கே.நவாப் நீக்கம்
கிருஷ்ணகிரி நகரச் செயலாளர் எஸ்.கே.நவாப் கட்சியிலிருந்து தற்காலிகமாக நீக்கப்பட்டுள்ளதாக திமுக தலைமை அறிவித்துள்ளது. கட்சியின் கட்டுப்பாட்டை மீறியும், அவப்பெயர் ஏற்படுத்தும் நோக்கிலும் செயல்பட்டதால் இந்த நடவடிக்கை எடுக்கப்பட்டுள்ளதாக அறிக்கையில் கூறப்பட்டுள்ளது. கிருஷ்ணகிரி நகராட்சி ஆணையர் அலுவலகத்தில் ரகசிய கேமரா வைக்கப்பட்டதில் இவருக்கு தொடர்பு உள்ளதாக தகவல் வெளியானது கவனிக்கத்தக்கது.
News February 9, 2025
இறைச்சி வாங்க கிளம்பிட்டீங்களா?
ஞாயிற்றுக்கிழமை என்றாலே பலரது வீடுகளில் இறைச்சி இல்லாமல், அன்றைய நாள் கழியாது. ஆனால், நாளை மறுநாள் தைபூசம் வருவதால், இறைச்சியின் நுகர்வு குறைந்துள்ளது. கறிக்கோழி கிலோ ₹93, முட்டை கோழி கிலோ ₹77ஆகவும் விற்பனையாகிறது. அதேபோல், மீன்களின் விலையும் குறைந்துள்ளது. அதன்படி ஒரு கிலோ சீலா மீன் ₹700, விளை மீன், ஊளி, பாறை மீன்கள் ₹400, தோல்பாறை ₹200, சூரை மீன் ₹180க்கு விற்பனை செய்யப்படுகின்றன.
News February 9, 2025
சிம்புவிற்கு ஜோடியாகும் சாய் பல்லவி!
‘STR 49’ படத்தில் பெரிய காம்போ ரெடியாகி வருகிறது. காலேஜ் கதைக்களமான இதில், சிம்புவுடன் நடிக்க சாய் பல்லவியிடம் பேச்சு வார்த்தை நடத்தப்படுவதாக தகவல் வெளிவந்துள்ளது. இந்த செய்தியை கேட்ட ரசிகர்கள், ‘ஆஹா…இது யாருமே எதிர்பார்க்காத காம்போ ஆச்சே’ என குஷியில் இருக்கிறார்கள். பார்க்கிங் பட இயக்குநர் ராம்குமார் பாலகிருஷ்ணன் இப்படத்தை இயக்க உள்ளார். சாய்பல்லவி – சிம்பு காம்போ எப்படி இருக்கும்?