News February 8, 2025
புதுச்சேரி முன்னாள் முதலமைச்சர் கைது
காரைக்கால் மீனவர்கள் கைது சம்பவம், பட்ஜெட்டில் புதுச்சேரி புறக்கணிக்கப்பட்டுள்ளதை கண்டித்து சட்டமன்றம் அருகே முன்னாள் முதல்வர் நாராயணசாமி தலைமையில் இன்று நடைபெற்ற ஆர்ப்பாட்டத்தில் 100க்கும் மேற்பட்டோர் பங்கேற்று மத்திய, மாநில அரசுக்கு எதிராக கண்டன கோஷங்களை எழுப்பி ஆளுநர் மாளிகை நோக்கி ஊர்வலமாக சென்றனர். போலீசார் அவர்களை தடுத்து நிறுத்தி முன்னாள் முதல்வர் உள்ளிட்ட காங் கட்சியினரை கைது செய்தனர்.
Similar News
News September 8, 2025
அமைச்சரை வாழ்த்தி அரசு கொறாடா!
இன்று (செப். 8, 2025) பிறந்தநாள் கொண்டாடும் உள்துறை அமைச்சர் அ. நமச்சிவாயத்துக்கு, புதுச்சேரி அரசு கொறடாவும், இந்திரா நகர் தொகுதி சட்டமன்ற உறுப்பினருமான ஆறுமுகம் (ஏ.கே.டி) நேரில் சென்று வாழ்த்து தெரிவித்தார். மேலும், அவருக்கு சால்வை அணிவித்து, பூங்கொத்து வழங்கியும் அவர் தனது வாழ்த்துகளைத் தெரிவித்துக் கொண்டார். உடன் கட்சி நிர்வாகிகள் மற்றும் பலர் உடன் இருந்தனர்.
News September 8, 2025
பொதுப்பணித்துறை அலுவலகத்தை எம்எல்ஏ முற்றுகை
உருளையன்பேட்டை, நெல்லித்தோப்பு, முதலியார்பேட்டை உள்ளிட்ட பகுதிகளில் கழிவுநீர் கலந்த குடிநீரைக் குடித்த 30-க்கும் மேற்பட்டோர் அரசு மருத்துவமனையில் அனுமதிக்கப்பட்டனர். இதற்கு உரிய நடவடிக்கை எடுக்காததைக் கண்டித்து, நேரு எம்.எல்.ஏ தலைமையில் பொதுமக்கள் இன்று (செப். 8) பொதுப்பணித்துறை தலைமை அலுவலகத்தை முற்றுகையிட்டனர். ஒரு பிரிவினர் சாலை மறியலிலும் ஈடுபட்டனர்.
News September 8, 2025
புதுச்சேரியில் மழை மக்கள் மகிழ்ச்சி!
புதுச்சேரியில், கடந்த ஒரு வாரமாக கோடை காலம் போல, அனல் காற்றுடன் வெயில் அடித்தது. அதனால், கடற்கரை உள்ளிட்ட சுற்றுலாத்தளங்களில் மக்கள் கூட்டம் குறைவாக காணப்பட்டது.வெயில் காரணமாக மக்கள் வெளியில் செல்ல முடியாமல் வீட்டிலேயே முடங்கினர்.இந்நிலையில், தவளக்குப்பம் பகுதியில் நேற்று வானம் மேகமூட்டத்துடன் காணப்பட்டது. திடீரென கருமேகங்கள் சூழ்ந்து பலத்த மழை பெய்தது.மக்கள் மகிழ்ச்சி அடைந்தனர்.