News March 28, 2024
செல்வ கணபதியின் வேட்பு மனு ஏற்பு
சேலம் தொகுதி திமுக வேட்பாளர் செல்வ கணபதியின் வேட்புமனு நீண்ட இழுபறிக்கு பின்னர் ஏற்கப்பட்டது. 2 தொகுதிகளில் அவருக்கு வாக்குரிமை இருப்பதாகவும், வழக்கு தொடர்பான விவரங்களை அவர் தனது வேட்பு மனுவில் குறிப்பிடவில்லை எனவும் புகார் எழுந்தது. இது தொடர்பாக பரிசீலனை செய்த தேர்தல் அலுவலரும், சேலம் ஆட்சியருமான பிருந்தா தேவி, புகாரில் முகாந்திரம் இல்லை எனக் கூறியதுடன் அவரது வேட்பு மனுவை ஏற்பதாக அறிவித்தார்.
Similar News
News February 2, 2026
சீமான் பின்வாங்குகிறாரா?
ஏற்கெனவே 100 தொகுதிகளுக்கும் மேல் வேட்பாளர்களை அறிவித்த சீமான், அவர்களை பிப்.21-ல் திருச்சி மாநாட்டில்தான் அதிகாரப்பூர்வமாக அறிவிக்க இருக்கிறார் என கூறப்பட்டது. இந்நிலையில் ஏற்கெனவே அறிவித்த இந்த தொகுதிகளில் மாற்றம் இருப்பதாக தகவல் அறிந்தவர்கள் சொல்கின்றனர். நட்சத்திர வேட்பாளர்களின் தொகுதிகள்கூட மாறவிருக்கிறதாம். இதனால் சீமான் ஏன் திடீரென பின்வாங்குகிறார் என அரசியல் விமர்சகர்கள் கேட்கின்றனர்.
News February 2, 2026
கேரளா இந்தியா Map-ல் இருக்கிறதா? பினராயி விஜயன்
கேரளாவின் நீண்டநாள் கோரிக்கையான AIIMS உள்பட எந்த புதிய அறிவிப்பும் மத்திய பட்ஜெட்டில் இடம்பெறவில்லை என அம்மாநில CM பினராயி விஜயன் குற்றம்சாட்டியுள்ளார். பட்ஜெட்டில் அம்மாநிலம் புறக்கணிக்கப்பட்டதாக விமர்சித்த அவர், கேரளாவும் இந்தியா Map-ல் தான் உள்ளதாகவும் சாடியுள்ளார். 3 சர்வதேச ஆயுர்வேத நிறுவனங்கள் அமைக்கப்படும் என்ற அறிவிப்பில், கேரளாவின் பெயர் இடம்பெறாதது ஏமாற்றமளிப்பதாகவும் கூறியுள்ளார்.
News February 2, 2026
தவெக அளக்க முடியாத ஆழ்கடல்: விஜய்
தவெக இன்று 3-ம் ஆண்டில் அடியெடுத்து வைக்கும் நிலையில், ஆட்சி பீடத்தை கைக்கொள்ளும் ஜனநாயக இலக்கை உறுதியாக வெல்வோம் என விஜய் பதிவிட்டுள்ளார். மேலும் சலனங்களை புறந்தள்ளி சமநிலை தவறாத அளக்கவியலாத ஆழ்கடல் தவெக எனவும், 2026 சட்டமன்றத் தேர்தல் களம், இதுவரை இல்லாத புதிய சூழலைச் சுமந்து நிற்பதாகவும் அவர் தெரிவித்துள்ளார். சாமானிய மக்களுக்கான அதிகார அரசியலின் வெற்றிப் போர்முரசம் தவெக என்றும் கூறியுள்ளார்.