News March 28, 2024
அருணாச்சலில் ஆயுதப்படை சிறப்பு சட்டம் மேலும் நீட்டிப்பு
அருணாச்சலின் 3 மாவட்டங்களில் ஆயுதப்படை சிறப்பு அதிகாரச் சட்டம் மேலும் 6 மாதங்களுக்கு நீட்டிக்கப்பட்டுள்ளது. மத்திய உள்துறை அமைச்சகம் வெளியிட்டுள்ள அறிவிப்பில், “திராப், சாங்லாங், லாங்டிங் மாவட்டங்களில் ஆயுதப்படை சிறப்பு அதிகாரச் சட்டம் ஏப்.1 முதல் மேலும் 6 மாதங்களுக்கு நீட்டிக்கப்பட்டுள்ளது. அதேபோல், 3 காவல்நிலைய பகுதிகளிலும் நீட்டிக்கப்பட்டுள்ளது” எனத் தெரிவிக்கப்பட்டுள்ளது.
Similar News
News August 16, 2025
BREAKING: நாளை கூட்டணியை அறிவிக்கிறார் ராமதாஸ்
நாளை திட்டமிட்டபடி பாமக பொதுக்குழு நடைபெறும் என்று ராமதாஸ் அறிவித்துள்ளார். பொதுக்குழுவில் 2026 தேர்தலில் யாருடன் கூட்டணி, கட்சியின் தலைவர் பதவி உள்ளிட்ட பல முக்கிய முடிவுகள் எடுக்கப்படுகின்றன. திமுகவை அட்டாக் செய்யும் அன்புமணி, அதிமுக – பாஜக கூட்டணியில் இணைய விரும்பும் நிலையில், ராமதாஸ் திமுகவுடன் கூட்டணி அமைக்க முடிவு செய்துள்ளதாகவும், நாளை அறிவிப்பு வெளியாகும் எனவும் தகவல் வெளியாகியுள்ளது.
News August 16, 2025
தங்கம் வென்றார் இந்தியாவின் அங்கிதா தியானி
Grand Slam Jerusalem 2025 போட்டிகள் இஸ்ரேலில் நடைபெற்று வருகின்றன. இதில் Steeplechase 2,000 பந்தயத்தில், இந்தியாவின் அங்கிதா தியானி தங்கப் பதக்கம் வென்றுள்ளார். இந்த இலக்கை அவர் 6:13:92 நிமிடங்களில் கடந்து சாதனை படைத்துள்ளார். இதன் மூலம் பருல் சவுத்ரியின் முந்தைய சாதனையை (6:14:38) அங்கிதா முறியடித்துள்ளார். ஆசிய அளவில் இரண்டாவது வேகமான ஓட்டம் இதுவாகும். இவருக்கு வாழ்த்து கூறலாமே..
News August 16, 2025
விறுவிறுப்படையும் தவெக மாநாட்டுப் பணிகள்
ஆக.21-ல் மதுரையில் தவெக 2-வது மாநில மாநாடு நடைபெறவுள்ளது. இதற்கான ஏற்பாட்டுப் பணிகளை புஸ்ஸி ஆனந்த், ஆதவ் அர்ஜுனா உள்ளிட்டோர் பார்வையிட்ட வண்ணம் உள்ளனர். இந்நிலையில், தன்னார்வலர்கள் ஒருங்கிணைப்பு, தூய்மைப் பணிகள், மகளிர் பாதுகாப்பு, மருத்துவ உதவிகள் உள்ளிட்ட 9 குழுக்கள் நியமிக்கப்பட்டுள்ளன. குடிநீர், கழிப்பறை, ஆகியவை அனைவருக்கும் எளிதாக கிடைக்கும் வகையிலும் ஏற்பாடுகள் செய்யப்பட்டு வருகின்றன.