News February 1, 2025
BREAKING: ரூ.62 ஆயிரத்தை நெருங்கிய தங்கம் விலை
ஆபரணத் தங்கம் விலை சவரனுக்கு ரூ.62 ஆயிரத்தை நெருங்கியுள்ளது. 1 கிராம் ஆபரணத் தங்கம் நேற்று ரூ.7,730க்கும், ஒரு சவரன் தங்கம் விலை ரூ.61,840க்கும் விற்பனையானது. இந்நிலையில் இன்று 1 கிராம் ஆபரணத் தங்கம் ரூ.15 உயர்ந்து ரூ.7,745க்கு விற்கப்படுகிறது. இதேபோல், ஒரு சவரன் தங்கம் ரூ.120 அதிகரித்து ரூ.61,960க்கு விற்பனை செய்யப்படுகிறது. இதன்மூலம் சவரன் தங்கம் ரூ.62 ஆயிரத்தை முதல்முறையாக நெருங்கியுள்ளது.
Similar News
News March 22, 2026
நிலக்கரி உற்பத்தியில் இந்தியா சாதனை
இந்தியா தொடர்ந்து 2-வது ஆண்டாக 100 கோடி டன் நிலக்கரி உற்பத்தியை எட்டி சாதனை படைத்துள்ளது. எரிசக்தி துறையில் நாடு சுயசார்பு அடைந்து வருவதற்கு இது முக்கிய சான்றாக அமைந்துள்ளதாக மத்திய அரசு தெரிவித்துள்ளது. அனல் மின் நிலையங்களுக்கு தேவையான நிலக்கரி இருப்பு போதுமான அளவு பராமரிக்கப்படுவதால், அதிகரித்து வரும் நாட்டின் மின் தேவையை திறம்பட எதிர்கொள்ள முடிவதாகவும் குறிப்பிட்டுள்ளது.
News March 22, 2026
சிந்தனைக் கவிஞர் கவிதாசன் பொன்மொழிகள்
*வரவு அறிந்து செலவு செய்வது சிக்கனம். செலவு அறிந்து வரவு சேர்ப்பது நற்குணம். *லட்சங்களை சம்பாதிப்பது என் லட்சியம் அல்ல; லட்சியவாதிகளை உருவாக்குவதே என் லட்சியம். *அதிர்ஷ்டத்தை நம்பியிருக்க வேண்டாம்; ஒழுக்கத்தை நம்பியிருங்கள். *கருணை பொங்கும் உள்ளம், அது கடவுள் வாழும் இல்லம். *நிம்மதி என்பது பிறர் கொடுப்பது அல்ல, நாமே ஏற்படுத்திக் கொள்வது.
News March 22, 2026
தேர்தலுக்கு பின் விலை உயரும்: ராகுல் காந்தி
5 மாநில தேர்தலுக்கு பின் பெட்ரோல், டீசல் விலைகளை மத்திய அரசு உயர்த்தக்கூடும் என்று ராகுல் காந்தி தெரிவித்துள்ளார். தொழில்துறை எரிபொருள் விலை உயர்வால் உற்பத்தி & போக்குவரத்துச் செலவுகள் அதிகரித்து, சாமானிய மக்களின் உணவுத் தட்டில் உள்ள பொருட்களின் விலையும் உயரும் என்று குறிப்பிட்டுள்ளார். மேலும், டாலருக்கு எதிரான இந்திய ரூபாயின் மதிப்பு 100-ஐ நோக்கிச் சரிவது கவலைக்குரியது என்று தெரிவித்துள்ளார்.