News January 30, 2025
புதுச்சேரியில் விபத்தால் ஆண்டுக்கு 200 பேர் பலி – முதல்வர் வேதனை
புதுச்சேரி போக்குவரத்து துறை சார்பில், 36-வது சாலை பாதுகாப்பு மாதம் நிறைவு விழா கம்பன் கலையரங்கில் இன்று (ஜன.30) நடைபெற்றது. விழாவில் பேசிய முதல்வர் ரங்கசாமி சிறிய மாநிலமான புதுச்சேரியில் சாலை விபத்தில் ஆண்டுக்கு 200 பேர் பலியாகின்றனர். சாலை விபத்துகளை குறைக்க போக்குவரத்து விதிகளை முறையாக கடைபிடிக்க வேண்டும். போக்குவரத்து நெரிசலை குறைக்க அதிகாரிகள் நடவடிக்கை எடுக்க வேண்டும் என தெரிவித்தார்.
Similar News
News January 31, 2025
புதுச்சேரியில் பள்ளிகளில் சிறப்பு வகுப்பு நடத்த தடை
புதுச்சேரி பள்ளி கல்வித் துறை இயக்குநர் பிரியதர்ஷினி தனியார் பள்ளிகளுக்கு நேற்று அனுப்பியுள்ள சுற்றறிக்கையில், சில தனியார் பள்ளிகள் அனுமதிக்கப்பட்ட நேரத்திற்கு மேல் வகுப்புகளை நடத்துவதாகவும், வார இறுதி விடுமுறை நாட்களிலும் வகுப்புகள் நடப்பதாகவும் அரசின் கவனத்திற்கு வந்துள்ளது. எந்த தனியார் பள்ளியும் எந்த ஒரு வேலை நாளிலும் மாலை 6:00 மணிக்கு மேல் கல்வி அல்லது சாராத வகுப்புகளை நடத்தக்கூடாது என்றார்.
News January 31, 2025
புதுவையில் விண்ணப்பங்கள் வரவேற்பு
புதுவை ஜிப்மரில் மருத்துவ தொழில்நுட்ப வல்லுனர், சவக்கிடங்கு உதவியாளர் உள்ளிட்ட சான்றிதழ் படிப்புக்கு விண்ணப்பங்கள் வரவேற்கப்படுகின்றன. இதற்கு படிப்பு காலத்தில் மாதம் ரூ.300, பயிற்சி காலத்தில் மாதம் ரூ.3713 வழங்கப்படும். இதற்கான விண்ணப்பங்களை வரும் பிப் 8 ஆம் தேதி மாலை 4:30க்குள் சமர்ப்பிக்க வேண்டும். மேலும் நேர்காணல் 13ஆம் தேதி காலை நடைபெறும் என மருத்துவமனை நிர்வாகம் சார்பில் அறிவிக்கப்பட்டுள்ளது.
News January 31, 2025
புதுச்சேரியில் நாளை தனியாா் துறை வேலைவாய்ப்பு முகாம்
புதுச்சேரியில் நாளை தனியாா் துறை வேலைவாய்ப்பு முகாம் நடைபெறுகிறது. இதுகுறித்து வெளியிட்ட செய்திக் குறிப்பு, ஆதிதிராவிடா், பழங்குடியினருக்கான தேசிய வாழ்வாதார சேவை மையம், நவயுகா ஆலோசனை சேவை மையம் ஆகியவை இணைந்து நாளை (பிப்.1) புதுச்சேரி நடேசன் நகா் 3-ஆவது குறுக்குத் தெருவில் உள்ள வாழ்வாதார சேவை மையத்தில் காலை 9 மணி முதல் 1 மணி வரை தனியாா் துறை வேலைவாய்ப்பு முகாமை நடைபெறுகிறது.