News March 27, 2024
ரீ-மேக் ஆகும் கமலின் ‘சத்யா’ திரைப்படம்
கமல்ஹாசன் நடிப்பில் கடந்த 1988இல் வெளியான ‘சத்யா’ திரைப்படம், ரீ-மேக் செய்யப்பட உள்ளது. போர் தொழில் படத்தை இயக்கிய விக்னேஷ் ராஜா இயக்கும் இந்தப் படத்தில், நடிகர் அசோக் செல்வன் ஹீரோவாக நடிக்க உள்ளார். ஏற்கெனவே, ஹிந்தியில் இருந்து ரீ-மேக் செய்யப்பட்டது தான் சத்யா. கமல்ஹாசனின் சினிமா வாழ்க்கையில் மிக முக்கியமான படமான இது, தற்போதைய காலகட்டத்திற்கு ஏற்றாற்போல ரீமேக் செய்யப்பட இருப்பதாக கூறப்படுகிறது.
Similar News
News February 2, 2026
H.ராஜாவை நேரில் சந்தித்து நலம் விசாரித்த நடிகர் ரஜினி
H.ராஜா உடல்நலக்குறைவால் கடந்த 2 நாள்களாக சென்னை அப்போலோவில் சிகிச்சை பெற்று வருகிறார். இந்நிலையில், அப்போலோவுக்கு விரைந்த ரஜினி, H.ராஜாவை நேரில் சந்தித்து உடல்நலம் குறித்து கேட்டறிந்தார். இதன்பின், H.ராஜா விரைவில் குணமடைந்து வீடு திரும்புவார் என்று குடும்பத்தினருக்கு நம்பிக்கையாக ஆறுதல் கூறினார். ஏற்கெனவே, CM ஸ்டாலின் உள்ளிட்டோர் H.ராஜாவை நேரில் நலம் விசாரித்தது குறிப்பிடத்தக்கது.
News February 2, 2026
அரசியல் யுத்தத்தை கிளப்பிய ‘Four Stars of Destiny’
முன்னாள் ராணுவ ஜெனரல் நரவனேவின் சுயசரிதையான ’Four Stars of Destiny’ என்ற புத்தகம், தற்போது மோடி – ராகுல் ஆகியோரின் அரசியல் யுத்தத்துக்கான காரணமாக மாறியுள்ளது. இந்நிலையில், விற்பனைக்கு வரத் தயாராக இருந்த அப்புத்தகம் பாதுகாப்பு அமைச்சகத்தின் ஆய்வுக்கு பிறகு முடக்கப்பட்டது ஏன் என்றும், சீன ஆக்கிரமிப்பு குறித்து பாஜக அரசு பயப்பட அதில் என்ன இருக்கிறது எனவும் எதிர்க்கட்சிகள் கேள்வி எழுப்பி வருகின்றனர்.
News February 2, 2026
நடிகை என்பதால் காதலன் பிரிந்து சென்றார்: மிருணாள்
தனது முன்னாள் காதலன் தான் ஒரு நடிகை என்பதால் தன்னை பிரிந்து சென்றதாக மிருணாள் தாக்கூர் கூறியுள்ளார். நேர்காணல் ஒன்றில் பேசிய அவர், நீ மிகவும் உணர்ச்சிவசப்படக்கூடியவள், உன்னை கையாள்வது கடினம் என கூறி காதலன் பிரிந்து சென்றார் எனக் குறிப்பிட்டார். மேலும், அந்த உறவு முடிவுக்கு வந்தது நல்லது எனவும், இல்லையெனில் எதிர்காலத்தில் தனக்கு பிரச்னைகள் ஏற்பட்டிருக்கும் எனவும் கூறினார்.