News January 23, 2025
10 ஆண்டுகளுக்கு பிறகு ரஞ்சியில் ரோஹித்..
இந்திய கேப்டன் ரோஹித் ஷர்மாவின் ஃபார்ம் மீது கடும் விமர்சனங்கள் எழுந்தது. இதனைத் தொடர்ந்து இன்று அவர் விளையாடும் ரஞ்சி போட்டி தொடங்குகிறது. ஜம்மு காஷ்மீர் அணிக்கு எதிரான போட்டியில் மும்பை அணியில் ரோஹித் விளையாடுகிறார். இதே அணியில் ஜெய்ஸ்வால், ஷ்ரேயஸ் ஐயர் ஆகியோரும் விளையாடுகிறார்கள். அதே போல, உத்தரகாண்ட் அணிக்கு எதிரான போட்டியில் இன்று களமிறங்கும் சவுராஷ்டிரா அணியில் ஜடேஜா விளையாடுகிறார்.
Similar News
News December 26, 2025
BREAKING: தங்கம் விலை சவரனுக்கு மேலும் ₹560 உயர்வு
தங்கம் விலை இன்று(டிச.26) வரலாறு காணாத புதிய உச்சத்தை தொட்டுள்ளது. 22 கேரட் தங்கம் 1 கிராம் ₹70 உயர்ந்து ₹12,890-க்கும், சவரனுக்கு ₹560 உயர்ந்து ₹1,03,120-க்கும் விற்பனையாகிறது. கடந்த 5 நாள்களில் மட்டும் சவரனுக்கு ₹3,920 என தாறுமாறாக உயர்ந்துள்ளதால் நடுத்தர மக்கள் அதிர்ச்சி அடைந்துள்ளனர்.
News December 26, 2025
சந்தாலி மொழியில் அரசியலமைப்பு வெளியானது
சந்தாலி மொழியில் மொழிபெயர்க்கப்பட்ட இந்திய அரசியலமைப்பை ஜனாதிபதி முர்மு வெளியிட்டுள்ளார். இதனை வெளியிடுவதில் பெருமைக்கொள்வதாக கூறிய அவர், இது அந்த மொழியை பேசும் சமூகத்தினருக்கு பயனுள்ளதாக அமையும் என தெரிவித்துள்ளார். இம்மொழியை, ஜார்க்கண்ட், ஒடிசா, மேற்கு வங்கம் மற்றும் பிஹார் ஆகிய மாநிலங்களில் வசிக்கும் பழங்குடியின மக்கள் பேசிவருவது குறிப்பிடத்தக்கது.
News December 26, 2025
தேர்தல் வந்தாலே ‘ICE’-ஐ ஏவும் பாஜக: கனிமொழி
தேர்தல் நெருங்கும்போது ICE ( IT, CBI, ED) அமைப்புகளை களமிறக்குவதை பாஜக வழக்கமான தேர்தல் வியூகமாக வைத்துள்ளதாக கனிமொழி விமர்சித்துள்ளார். TOI-க்கு அளித்த பேட்டியில், பாஜகவின் B டீமாக அதிமுக செயல்படுவதாகவும், அக்கட்சியின் கடைசி ஆண்டாக இந்தாண்டு இருக்காது என நம்புவதாகவும் அவர் கூறினார். திமுகவுக்கு எதிரான விஜய்யின் பேச்சுக்கள் பாஜகவின் தூண்டுதலாக இருக்கலாம் என்றும் அவர் குறிப்பிட்டுள்ளார்.