News December 30, 2024
₹2.92 லட்சம் கோடி வரலாற்று சாதனையை படைத்த இந்தியா
கடந்த அக்டோபரில் இந்தியாவின் டிஜிட்டல் சேவைகள் ஏற்றுமதி ₹2.92 லட்சம் கோடி என்ற வரலாற்று உச்சத்தை தொட்டுள்ளதாக மத்திய வர்த்தக அமைச்சகம் தெரிவித்துள்ளது. டிஜிட்டல் உள்கட்டமைப்பு முதலீடு, தரவு மையம், அதிவேக இணைய சேவை உள்ளிட்ட காரணங்களால் இந்த துறை அசுர வளர்ச்சியைக் கண்டுள்ளது. கடந்த, 2005இல் ₹2.55 லட்சம் கோடியில் இருந்த ஏற்றுமதி, 2023இல் ₹21.85 லட்சம் கோடியாக உயர்ந்துள்ளது கவனிக்கத்தக்கது.
Similar News
News March 27, 2026
போர் பதற்றம்.. பலனடையும் உள்நாட்டு சுற்றுலா துறை
விடுமுறைக்கு வெளிநாடு செல்ல திட்டமிட்ட பயணிகளின் கவனம் தற்போது உள்நாட்டு சுற்றுலா மீதும் திரும்பி உள்ளது. மேற்காசிய போர் பதற்றம் காரணமாக சுற்றுலா பயணிகள் ஜம்மு-காஷ்மீர், லடாக், ஹிமாச்சல், சிம்லா, குலு, மணாலி, ஷில்லாங் உள்ளிட்ட பகுதிகளை நோக்கி படையெடுத்துள்ளனர். வணிக சிலிண்டர் தட்டுப்பாடு காரணமாக ஹோட்டல் சிரமங்களை சந்தித்தாலும், உள்நாட்டு சுற்றுலா துறை பரபரப்பாக இயங்கி வருகிறது.
News March 27, 2026
அதிமுக கூட்டணியில் தொடருமா புரட்சி பாரதம்?
அதிமுக கூட்டணியில் புரட்சி பாரதம் தொடருமா என்பது குறித்து இன்று தெரியவரும். 4 தொகுதிகள் கேட்ட நிலையில் ஒரு தொகுதி மட்டும் ஒதுக்கப்பட்டுள்ளதால், கட்சி தலைவர் பூவை ஜெகன்மூர்த்தி அதிருப்தி அடைந்துள்ளார். இந்நிலையில், நாங்கள் எதிர்பார்த்தது ஒன்று நடந்தது ஒன்று என்று கூறிய அவர், கட்சியில் நிர்வாக குழு கூட்டத்தை கூட்டி, அதனடிப்படையில் அடுத்தக்கட்ட நடவடிக்கை எடுக்கப்படும் என்று தெரிவித்துள்ளார்.
News March 27, 2026
ஈரான் மீதான தாக்குதல் மேலும் 10 நாள் ஒத்திவைப்பு
ஈரான் மீதான தாக்குதல்களை மேலும் 10 நாட்களுக்கு நிறுத்தி வைப்பதாக டிரம்ப் அறிவித்துள்ளார். ஈரானின் கோரிக்கையின் பேரில், இந்த காலக்கெடு ஏப்ரல் 6 இரவு 8 மணி வரை நீட்டிக்கப்பட்டுள்ளதாக கூறினார். ஈரானுடனான பேச்சுவார்த்தை சாதகமாக சென்று கொண்டிருப்பதாகவும், போலி செய்திகளை நம்ப வேண்டாம் என்றும் குறிப்பிட்டார். போரினால் ஏற்பட்ட எரிசக்தி நெருக்கடிக்கு மத்தியில், டிரம்பின் இந்த முடிவு நிம்மதியை தந்துள்ளது.