News December 15, 2024
புதுடெல்லி தொகுதியில் களம் காணும் கெஜ்ரிவால்

பிப்ரவரியில் நடைபெறவுள்ள டெல்லி சட்டசபை தேர்தலுக்கான 3ம் கட்ட வேட்பாளர் பட்டியலை AAP வெளியிட்டுள்ளது. 38 வேட்பாளர்கள் அடங்கிய இப்பட்டியலில் அரவிந்த் கெஜ்ரிவால் புதுடெல்லி தொகுதியிலும், முதல்வர் அதிஷி கல்காஜி தொகுதியிலும் போட்டியிடுவர் என அறிவிக்கப்பட்டுள்ளது. மொத்தமுள்ள 70 தொகுதிகளில் 20 சிட்டிங் MLA-க்களுக்கு சீட் வழங்கப்படவில்லை. மணீஷ் சிசோடியா உள்பட பலர் தொகுதி மாற்றம் செய்யப்பட்டுள்ளனர்.
Similar News
News August 30, 2025
எதிர்பார்ப்பை மிஞ்சிய இந்தியாவின் GDP

2025-26ஆம் நிதியாண்டின் ஏப்ரல்- ஜூன் மாதம் வரையிலான முதல் காலாண்டின் இந்திய உள்நாட்டு உற்பத்தி 7.8% என தரவுகள் தெரிவிக்கின்றன. ஹோட்டல், நிதி, ரியல் எஸ்டேட் உள்ளிட்டவை இந்த வளர்ச்சிக்கும் முக்கிய காரணங்களாம். RBI கணிப்பை விட GDP அதிகரித்துள்ளது. இதற்கு முன்னதாக 2024 ஜனவரி-மார்ச் மாத காலாண்டில் GDP 8.4% இருந்தது. அதன்பின் ஐந்து காலாண்டிற்கு பிறகு தற்போது 7.8% அதிகரித்துள்ளது.
News August 30, 2025
‘ராட்சசன்’ போல் இருக்குமா ‘ஆர்யன்’?

த்ரில்லர் படங்களில் பலரின் பேவரைட் ‘ராட்சசன்’ என்று சொல்லலாம். மீண்டும் அதேபோன்ற படத்தை விஷ்ணு விஷாலிடம் ரசிகர்கள் எதிர்பார்த்து காத்திருக்கின்றனர். இந்நிலையில், அதேபோல் ஒரு போலீஸ் இன்வெஸ்டிகேஷன் கதையான ஆர்யனில் விஷ்ணு விஷால் நடித்துள்ளார். ‘ஆர்யன்’ படம் வரும் அக்டோபர் 31-ம் தேதி வெளியாகும் என படக்குழு அறிவித்துள்ளது. எதிர்பார்ப்பை பூர்த்தி செய்வாரா விஷ்ணு விஷால்?
News August 30, 2025
தினம் ஒரு திருக்குறள்

▶குறள் பால்: பொருட்பால் ▶இயல்: அரசியல் ▶அதிகாரம்: பெரியாரைத் துணைக்கோடல் ▶குறள் எண்: 443
▶குறள்:
அரியவற்று ளெல்லாம் அரிதே பெரியாரைப்
பேணித் தமராக் கொளல்.
▶ பொருள்: பெரியவர்களைப் போற்றிப் பாராட்டி அவர்களுடன் உறவாடுதல் எல்லாப் பேறுகளையும் விடப் பெரும் பேறாகும்.