News December 13, 2024
QR CODE லிங்க் வருகிறதா? ரிசர்வ் வங்கி எச்சரிக்கை
QR CODE லிங்க் ஸ்கேன் செய்து பணம் செலுத்தும் வழக்கம் கொண்டோருக்கு ரிசர்வ் வங்கி முக்கிய எச்சரிக்கையை விடுத்துள்ளது. பணம் அனுப்ப மட்டுமே QR CODE ஸ்கேன் செய்ய வேண்டும். பணத்தை பெற ஸ்கேன் செய்யத் தேவையில்லை என ரிசர்வ் வங்கி கூறியுள்ளது. அறிமுகம் இல்லாத எண் அல்லது நபரிடம் இருந்து QR CODE லிங்க் வந்தால் அதை ஸ்கேன் செய்யக்கூடாது. பணத்தை பெற ஓடிபி, லிங்க் அவசியமில்லை எனவும் தெரிவித்துள்ளது.
Similar News
News August 9, 2025
போலி வாக்காளர்களால் திமுக வெற்றி: இபிஎஸ் சாடல்
போலி வாக்காளர்களால் தான் சென்னை மாநகராட்சியில் திமுக வெற்றி பெறுவதாக இபிஎஸ் குற்றஞ்சாட்டியுள்ளார். மாநகராட்சி தேர்தலில் கள்ள ஓட்டு போட முயன்றவரை ஜெயக்குமார் பிடித்து கொடுத்ததாகவும், ஆர்.கே.நகர், பெரம்பூர் தொகுதிகளில் அதிமுகவின் முயற்சியில் போலி வாக்காளர்கள் நீக்கப்பட்டதாகவும் அவர் தெரிவித்துள்ளார். மேலும், திமுகதான் போலி வாக்காளர்களை சேர்ப்பதில் மும்முரமாக இருப்பதாகவும் சாடியுள்ளார்.
News August 9, 2025
கோபம் தான் சிராஜின் ஆயுதம்: ரஹானே
சிராஜின் கோபமும், ஆதிக்கம் செலுத்தும் மனப்பான்மையும் அவரை இன்னும் சிறப்பாக பவுலிங் செய்ய வைக்கும் என ரஹானே தெரிவித்துள்ளார். தன்னுடைய கேப்டன்சியில் 2020-21 பார்டர் கவாஸ்கர் தொடரில் தான் டெஸ்ட்டில் சிராஜ் அறிமுகமானதாகவும், அவரை லேட்டாக பவுலிங் வீச வைத்ததற்கு கோபபட்டதாகவும் ரஹானே நினைவுகூர்ந்துள்ளார். மேலும், அதே கோபம் இங்கிலாந்து தொடரிலும் எதிரொலித்ததாகவும் தெரிவித்துள்ளார்.
News August 9, 2025
டிரம்ப் – புடின் சந்திப்பு தேதி உறுதியானது
அமெரிக்க அதிபர் டிரம்ப் வரும் 15-ம் தேதி ரஷ்ய அதிபர் புடினை சந்தித்து பேச்சுவார்த்தை நடத்த உள்ளார். வட அமெரிக்காவில் உள்ள அலாஸ்காவில் இருவரும் சந்திக்க உள்ளனர். இந்த சந்திப்பின் போது ரஷ்யா- உக்ரைன் போர் நிறுத்த ஒப்பந்தம் கையெழுத்தாகும் என எதிர்பார்க்கப்படுகிறது. உக்ரைனை நேட்டோவில் இணைக்கக் கூடாது மற்றும் நேட்டோ படைகளை அங்கிருந்து வெளியேற்ற வேண்டும் என்பதே ரஷ்யாவின் கோரிக்கையாக உள்ளது.