News November 28, 2024
ஊர்க்காவல் கடலோர படைக்கு மீனவ இளைஞர்கள் தேர்வு
குமரி மாவட்ட கடற்கரையோர காவல் நிலைய பணிகளுக்கு 24 மீனவ இளைஞர்கள் தேர்வு செய்யப்பட உள்ளனர். விருப்பமுடைய மீனவ இளைஞர்கள் சம்மந்தப்பட்ட காவல் நிலையங்களில் 05.12.2024-க்குள் நேரில் வந்து விண்ணப்ப மனு பெற்று கொள்ளலாம்.இதில் கலந்து கொள்பவர்களுக்கு 07.12.2024 அன்று கன்னியாகுமரி மாவட்ட ஆயுதப்படை வளாகத்தில் ஆட்கள் தேர்வு (சரியாக காலை 10.00 மணிக்கு ஆஜராக வேண்டும் என எஸ்பி சுந்தரவதனம் கேட்டுக்கொண்டுள்ளார்.
Similar News
News August 7, 2025
குமரியில் உழவரைத்தேடி வேளாண்மை முகாம்
உழவரைத்தேடி வேளாண்மை-உழவர் நலத்துறை திட்டத்தின் படி ஆக.8 அன்று வடக்கு தாமரைகுளம், குலசேகரம் உட்பட 18 கிராமங்களில் முகாம்கள் நடக்கிறது. இம்முகாமில் வேளாண்மை உழவர் நலத்துறையின் கீழ் இயங்கி வரும் அனைத்து துறைகளின்வட்டார அலுவலர்கள், உழவர்களை வருவாய் கிராமங்களுக்கே சென்று நேரடியாக சந்தித்து ஆலோசனை வழங்குவார்கள். இம்முகாம்களில் விவசாயிகள் பங்கேற்று பயன்பெறலாம் என ஆட்சியர் அழகுமீனா தெரிவித்துள்ளார்.
News August 6, 2025
கள்ளநோட்டுகள் வைத்திருந்த 2 பேருக்கு 7 ஆண்டு ஜெயில்
மணலியில் வெனான்சியஸ், சசி, கிளைமண்ட், அமல்ராஜ் ஆகிய 4 பேர் 3 லட்சத்து 45 ஆயிரம் ரூபாய் கள்ள நோட்டுகள் வைத்திருந்தனர். அவர்களை போலீசார் கைது செய்து வழக்குப்பதிவு செய்தனர். இந்த வழக்கில் வெனான்சியஸ் இறந்துவிட்டார். சசி தலைமறைவாக இருந்து வருகிறார். இந்த வழக்கு விசாரணையில் கிளைமண்ட் மற்றும் அமல்ராஜ் ஆகியோருக்கு 7 ஆண்டுகள் ஜெயில் தண்டனை விதித்து பத்மநாபபுரம் நீதிபதி தீர்ப்பளித்துள்ளார்.
News August 6, 2025
இலவச செல்போன் பழுதுபார்த்தல் பயிற்சி
புதிய வேலை வாய்ப்பை ஏற்படுத்தும் நோக்கில் IOB ஊரக சுய வேலை வாய்ப்பு பயிற்சி மையம், தமிழ்நாடு மாநில ஊரக வாழ்வாதார இயக்கம் இணைந்து நடத்தும் 30 நாள் இலவச செல்போன் பழுதுபார்த்தல் பயிற்சி ஆக.8 அன்று நாகர்கோவிலில் தொடங்க உள்ளது. இதில் உணவு, சீருடை, பயிற்சி, பொருட்கள் இலவசமாக வழங்கப்படும். ஆர்வமுள்ளவர்கள் 944844019, 6379596738, 9791894159 என்ற எண்ணை அழைக்கலாம்.