News March 21, 2024
கெஜ்ரிவால் கைது.. தொடரும் பதற்றம்
டெல்லி முதல்வர் அரவிந்த் கெஜ்ரிவாலை அமலாக்கத்துறை கைது செய்ததையடுத்து அவரது வீட்டை சுற்றியுள்ள பகுதிகளில் பதற்றம் நிலவிவருகிறது. ஆம் ஆத்மி கட்சியினர் மத்திய அரசுக்கு எதிராக முழக்கங்களை எழுப்பி போராட்டத்தில் ஈடுபட்டுள்ளனர். இதனால், அங்கு பாதுகாப்பு படையினர் அதிக அளவில் குவிக்கப்பட்டுள்ளனர். கெஜ்ரிவால் வீட்டை சுற்றிலும் 144 தடை உத்தரவு பிறப்பிக்கப்பட்டு போராட்டக்காரர்கள் தடுத்து வைக்கப்பட்டுள்ளனர்.
Similar News
News April 28, 2025
அண்ணாமலை ராஜ்யசபா MP இல்லை
தமிழக பாஜகவின் முன்னாள் தலைவர் அண்ணாமலை, ஆந்திராவில் இருந்து ராஜ்யசபாவுக்கு தேர்வாவார் என்று செய்திகள் வெளியானது. முன்னதாக, அமித் ஷா – சந்திரபாபு சந்திப்பு நடைபெற்றபோது கூட, இதற்காகத்தான் அவர்கள் பேச்சுவார்த்தை நடத்துகின்றனர் என்று பேசப்பட்டது. ஆனால், ராஜ்யசபா வேட்பாளராக, ஆந்திராவின் வெங்கட சத்யநாராயணாவை பாஜக அறிவித்துள்ளது. ஆகையால், அண்ணாமலை தற்போதைக்கு MP ஆகப்போவதில்லை.
News April 28, 2025
தோனியின் வரலாற்றில் முதல் முறையாக…
நடப்பு ஐபிஎல் தொடரில் CSK கடைசி இடத்தில் இருப்பதால் இறுதிப்போட்டிக்கு தகுதி பெறுவது மிகவும் சிரமம். அப்படி தகுதி பெறாவிட்டால், ஐபிஎல் வரலாற்றில் தொடர்ந்து இரண்டாவது ஆண்டாக தோனி இல்லாமல் நடைபெறும் IPL final இதுவாகத்தான் இருக்கும். 2008-ம் ஆண்டு IPL தொடங்கியது முதல், இரண்டு ஆண்டுகளுக்கு ஒரு முறையாவது அவர் இறுதிப்போட்டியில் விளையாடியிருக்கிறார். கடந்த ஆண்டும் CSK ஃபைனலுக்கு தகுதி பெறவில்லை.
News April 28, 2025
உயரும் ரபேல் போர் விமானங்களின் எண்ணிக்கை
பிரான்ஸிடமிருந்து ₹64,000 கோடி மதிப்பீட்டில் மேலும் 26 ரபேல் போர் விமானங்களை வாங்கும் ஒப்பந்தத்தில் இந்தியா கையெழுத்திட்டுள்ளது. காணொளி காட்சி வாயிலாக நடைபெற்ற இந்த கூட்டத்தில் பாதுகாப்புத்துறை அமைச்சர் ராஜ்நாத் சிங் கலந்துகொண்டார். கடந்த 9-ம் தேதி இதற்கான அனுமதியை அமைச்சரவை வழங்கி இருந்தது. ஏற்கெனவே இந்தியாவிடம் 36 ரபேல் போர் விமானங்கள் உள்ளது குறிப்பிடத்தக்கது.