News March 21, 2024
ஓம் சாந்தி ஓம் படத்தில் நடிக்க சம்பளம் வாங்காத படுகோன்
ஹிட்டான ஓம் சாந்தி ஓம் படத்தில் நடிக்க தீபிகா படுகோன் சம்பளம் வாங்கவில்லை. கடந்த 2007இல் வெளியான அந்தப் படத்தை தயாரித்து கதாநாயகனாக ஷாருக்கான் நடித்திருந்தார். அந்தப் படம் மூலம்தான் தீபிகா படுகோன் அறிமுகமானார். மொழி கடந்து அந்தப் படம் சூப்பர் ஹிட் அடித்தது. அதில் சம்பளம் வாங்காமல் தீபிகா நடித்துள்ளார். எனினும், அந்த ஒரு படம் மூலம் பலகோடி சம்பளம் வாங்கும் நடிகையாக அவர் உயர்ந்தார்.
Similar News
News November 4, 2025
ஐடி கார்டு இல்லையென்றால் அனுமதியில்லை: தவெக
மாமல்லபுரத்தில் விஜய் தலைமையில் நாளை தவெக சிறப்பு பொதுக்குழு கூட்டம் நடைபெறுகிறது. இந்நிலையில், அழைப்புக் கடிதம் மற்றும் அடையாள அட்டை வைத்திருக்கும் பொதுக்குழு உறுப்பினர்கள் மட்டுமே கலந்துகொள்ள அனுமதிக்கப்படுவர். எனவே, பொதுக்குழு உறுப்பினர்கள் தங்களுக்கு அனுப்பப்பட்ட அழைப்புக் கடிதம் மற்றும் கழக அடையாள அட்டையைக் கட்டாயம் தவறாமல் கொண்டு வரவேண்டும் என வேண்டுகோள் விடுக்கப்பட்டுள்ளது.
News November 4, 2025
BREAKING: திமுகவில் பொன்முடிக்கு மீண்டும் பதவி!
Ex அமைச்சர் பொன்முடி மீண்டும் திமுகவின் துணைப் பொதுச்செயலாளராக நியமிக்கப்பட்டுள்ளார். சைவம், வைணவத்தை பெண்களுடன் ஒப்பிட்டு ஆபாசமாக பேசிய சர்ச்சையில் கடந்த ஏப்ரல் மாதம் அவர் கட்சியில் இருந்து நீக்கப்பட்ட நிலையில், தற்போது மீண்டும் கட்சியில் பதவி வழங்கப்பட்டுள்ளது. அதேபோல், அமைச்சர் சாமிநாதனுக்கும் துணைப் பொதுச்செயலாளர் பதவி வழங்கப்பட்டுள்ளது. இதனால், திமுகவில் து.பொ., எண்ணிக்கை 7 ஆக உயர்ந்துள்ளது.
News November 4, 2025
ரஷ்யாவில் 6.4 ரிக்டர் அளவில் நிலநடுக்கம்
ரஷ்யாவின் கிழக்கில் அமைந்துள்ள Kamchatka பகுதியில் சக்தி வாய்ந்த நிலநடுக்கம் ஏற்பட்டது. இந்த நிலநடுக்கம் ரிக்டர் அளவுகோலில் 6.4 ஆக பதிவானதாக தெரிவிக்கப்பட்டுள்ளது. இந்த அதிர்வு 24 கிலோமீட்டர் ஆழத்தில் ஏற்பட்டதாக கூறப்பட்டுள்ள நிலையில், இதுவரை எந்த சேத விவரமும் பதிவாகவில்லை. இப்பகுதியில் உள்ள கண்டத் தட்டுகள் (Tectonic Plates) நகர்ந்து வருவதால், இங்கு அடிக்கடி நிலநடுக்கங்கள் ஏற்படுகின்றன.