News June 17, 2024
போருக்கு எதிரான ஒப்பந்தத்தில் கையெழுத்திட்ட 80 நாடுகள்
சர்வதேச அமைதி மாநாட்டில் உக்ரைன் போருக்கு எதிரான புரிந்துணர்வு ஒப்பந்தத்தில் 80 நாடுகள் கையெழுத்திட்டுள்ளன. உக்ரைன்-ரஷியா போர் குறித்து விவாதிப்பதற்காக சுவிஸின் லூசர்ன் நகரில் இரு நாள் மாநாடு நடந்தது. அமெரிக்கா உள்பட சுமார் 100 நாடுகளின் பிரதிநிதிகள் பங்கேற்ற இம்மாநாட்டில் பல்வேறு விவகாரங்கள் குறித்து விவாதிக்கப்பட்டன. மாநாட்டின் இறுதியில் உக்ரைன் போருக்கு எதிரான ஒப்பந்தம் ஒன்று கையெழுத்தானது.
Similar News
News March 23, 2026
மாணவர்கள் தற்கொலையை தடுக்க புதிய கொள்கை
மாணவர்களின் மனநலம் பாதுகாப்பு, தற்கொலை தடுப்புக்கு TN அரசு புதிய கொள்கையை வெளியிட்டுள்ளது. பள்ளி, கல்லூரிகளில் மனநல ஆலோசகர்கள், ஆலோசனை மையங்கள் மூலம் மாணவர்களின் தனித் திறனை ஊக்குவிப்பதுடன், நண்பர்கள் இடையே ஒருவருக்கு ஒருவர் உதவி செய்துகொள்ளும் நல் ஆதரவு நடவடிக்கைகளை தொடங்க வலியுறுத்தியுள்ளது. மனநல ஆலோசனைகளுக்கு 14416, 14417, 104, 1098, 181 எண்களில் தொடர்பு கொள்ளலாம்.
News March 23, 2026
இதற்கா கோடிக்கணக்கில் நிதி ஒதுக்குகிறீர்கள்?… நயினார்
கடலூர் GH-ல் மின்சாரம் இல்லாமல் மொபைல் டார்ச் வெளிச்சத்தில் சிகிச்சை அளித்தது திமுக அரசின் நிர்வாக தோல்விக்கான சான்று என்று நயினார் நாகேந்திரன் விமர்சித்துள்ளார். கற்காலம் போன்று சிகிச்சை அளிக்கவா ஒவ்வொரு பட்ஜெட்டிலும் கோடிக்கணக்கான நிதி ஒதுக்கப்படுகிறது என்றும், திமுக அரசின் ஈயம் பூசும் வேலையை தமிழக மக்கள் இனி துளியும் நம்ப மாட்டார்கள் எனவும் கடுமையாக விமர்சித்துள்ளார்.
News March 23, 2026
ORS அனைத்தையும் பருக வேண்டாம்: சுகாதாரத்துறை
வெயிலில் அதிக வியர்வை வெளியேறுவதால் உடலில் நீர்ச்சத்து குறைந்து மயக்கம் ஏற்படும். இதனை தடுக்க ORS கரைசல் அருந்துவது நல்லது. ஆனால், ஓஆர்எஸ் என்ற பெயரில் பல்வேறு வகை இருப்பதால், உலக சுகாதார நிறுவனத்தால் அங்கீகரிக்கப்பட்ட ORS கரைசல் மட்டுமே உடலில் நீர்ச்சத்து இழப்பை தடுக்கும் என்று சுகாதாரத்துறை தெரிவித்துள்ளது. பல்வேறு பெயர்களில் விற்கப்படும் ORS ஜூஸ்களை தவிர்க்க வேண்டும் என்று அறிவுறுத்தியுள்ளது.