News April 6, 2025
நாடு முழுவதும் 8.8 லட்சம் வக்ஃபு வாரிய சொத்துகள்.. புது தகவல்
வக்ஃபு வாரியத்துக்கு சொந்தமாக நாடு முழுவதும் 8.8 லட்சம் சொத்துக்கள் இருப்பதாக புள்ளி விவரங்கள் தெரிவிக்கின்றன. அதிகபட்சமாக உ.பி.யில் 2.4 லட்சம் சொத்துக்கள் இருப்பதாகவும் அவை கூறுகின்றன. தமிழகத்தில் 66,092 வக்ஃபு வாரிய சொத்துக்கள் இருப்பதாகவும் புள்ளி விவரங்கள் தெரிவிக்கின்றன. 73,000 சொத்துக்கள் பிரச்னையில் இருப்பதாகவும், புதிய சட்டத்தால் அதற்கு சிக்கல் ஏற்படும் என்றும் கூறப்படுகிறது.
Similar News
News April 9, 2025
பான் இந்தியா என்பது அசிங்கம்: செல்வராகவன் காட்டம்
பான் இந்தியா என்ற அசிங்கமான கலாசாரம் வந்ததால், நல்ல சினிமாக்கள் குறைந்துவிட்டதாக இயக்குநர் செல்வராகவன் காட்டமாக தெரிவித்துள்ளார். குத்துப் பாடல்கள் கொண்ட கமர்ஷியல் படங்களே தற்போது அதிகரித்துள்ளதாகவும், 100 நாள்கள் ஓடிய படங்களெல்லாம் இப்போது 3 நாள்களில் முடிந்து விடுவதாகவும் அவர் கூறியுள்ளார். மேலும், மிக சுலபமாக ஒரு படத்தைக் குதறி, இயக்குநர்களின் வாழ்க்கையை காலி செய்வதாகவும் தெரிவித்துள்ளார்.
News April 9, 2025
தமிழுக்காக குரல் கொடுத்தவர் குமரி அனந்தன்
இலக்கியச் செல்வர் என அனைவராலும் அன்போடு அழைக்கப்பட்டவர் மறைந்த குமரி அனந்தன். தமிழ்நாடு காங்கிரஸ் கமிட்டித் தலைவராக இருந்த அவர் 5 முறை எம்.எல்.ஏ.ஆகவும், ஒரு முறை எம்.பி.யாகவும் பதவி வகித்துள்ளார். நாடாளுமன்றத்தில் தமிழில் கேள்வி எழுப்பும் உரிமையை பெற்றுத் தந்தவர் குமரி அனந்தன். 2024-ம் ஆண்டு தமிழக அரசின் தகைசால் தமிழர் விருது அவருக்கு வழங்கி கௌரவிக்கப்பட்டது.
News April 9, 2025
நலமுடன் உள்ளேன்: ப.சிதம்பரம்
குஜராத் மாநிலம் அகமதாபாத்தில் காங்கிரஸ் மாநாட்டில் பங்கேற்க சென்றிருந்த ப.சிதம்பரத்துக்கு திடீரென உடல் நலக்குறைவு ஏற்பட்டதால் ஹாஸ்பிடலில் அனுமதிக்கப்பட்டார். இதனிடையே கடும் வெயிலின் காரணமாக நீரிழப்பு ஏற்பட்டதாகவும், மருத்துவமனையில் எல்லாச் சோதனைகளும் மேற்கொள்ளப்பட்டதாகவும் X தளத்தில் அவரே தெரிவித்துள்ளார். தற்போது நலமாக இருப்பதாகவும் அவர் குறிப்பிட்டுள்ளார்.