News October 2, 2025
புதிய தமிழக DGP இறுதி பட்டியலில் 3 பேர்
புதிய தமிழக DGP-ஐ தேர்வு செய்வதற்கான ஆலோசனை கூட்டம், கடந்த செப்.26-ல் டெல்லியில் நடைபெற்றது. இதில் 8 பேர் பரிந்துரைக்கப்பட்டனர். இந்நிலையில், பலகட்ட ஆலோசனைகளுக்கு பிறகு சந்தீப் ராய் ரத்தோர், சீமா அகர்வால், ராஜீவ் குமார் ஆகிய 3 பேர் இறுதி செய்யப்பட்டுள்ளனர். எனவே, விரைவில் இவர்களில் ஒருவர் புதிய DGP ஆக நியமிக்கப்படுவார். தற்போது, வெங்கட்ராமன் கூடுதல் பொறுப்புடன் DGP ஆக உள்ளார்.
Similar News
News October 2, 2025
DMK ஆட்சியில் 217 குழந்தைகள் படுகொலை: அன்புமணி
திமுக ஆட்சியில் குழந்தைகளுக்கு எதிரான குற்றங்கள் 61% அதிகரித்துள்ளதாக அன்புமணி குற்றம்சாட்டியுள்ளார். திமுக ஆட்சியில் மட்டும் 217 குழந்தைகள் படுகொலை செய்யப்பட்டுள்ளதாகவும், அதில் 7 குழந்தைகள் பாலியல் வன்கொடுமை செய்யப்பட்டு கொல்லப்பட்டதாகவும் தெரிவித்துள்ளார். தமிழ்நாட்டை குழந்தைகள் பாதுகாப்பாக வாழ்வதற்கு தகுதியற்ற மாநிலமாக மாற்றியது தான் திமுக அரசின் சாதனை எனவும் விமர்சித்துள்ளார்.
News October 2, 2025
தமிழகம் முழுவதும் இன்று மூடல்..
டாஸ்மாக் கடைகள் வழக்கமாக நண்பகல் 12 மணிக்கு திறக்கப்படும். ஆனால், இன்று காந்தி ஜெயந்தி என்பதால், தமிழ்நாட்டில் உள்ள அனைத்து டாஸ்மாக் கடைகள் மற்றும் மதுபானக் கூடங்களை மூட உத்தரவிடப்பட்டுள்ளது. இந்த உத்தரவை மீறி, சட்டவிரோதமாக மது விற்பனையில் ஈடுபட்டால், கடுமையான நடவடிக்கை பாயும். பார் உரிமம் ரத்து செய்யப்படும் என்றும் எச்சரிக்கப்பட்டுள்ளது.
News October 2, 2025
Cinema Roundup: SK ஜோடியாக நடிக்கும் ரஷ்மிகா மந்தனா
*’மூக்குத்தி அம்மன் 2′ படத்தின் பர்ஸ்ட் லுக் இன்று காலை 10.05 மணிக்கு வெளியாகிறது. *சிவகார்த்திகேயனின் அடுத்த படத்தில் ஹீரோயினாக ரஷ்மிகா மந்தனா நடிக்கவுள்ளார். *விஜய் சேதுபதியின் மகன் சூர்யா சேதுபதி நடிக்கும் புதிய படம் பூஜையுடன் தொடங்கியது. *ஜூனியர் என்.டி.ஆரின் ‘தேவரா 2’ படத்தில் சிம்புவை நடிக்க வைக்க படக்குழு திட்டமிட்டுள்ளது.