News February 28, 2026
234-ல் எங்கு வேண்டுமானாலும் நிற்பேன்: கருணாஸ்
திமுகவுடனான தொகுதிப் பங்கீட்டு பேச்சுவார்த்தை மகிழ்ச்சியாக அமைந்ததாக கருணாஸ் கூறியுள்ளார். அறிவாலயத்தில் செய்தியாளர்களை சந்தித்த அவர், தனக்கான தொகுதி எண்ணிக்கை உறுதியாகிவிட்டது என்றும், புதிய கட்சிகள் பல வந்துள்ளதால் எத்தனை தொகுதி என்பதை விட, ஸ்டாலினை மீண்டும் ஆட்சியில் ஏற்றுவதுதான் முக்கியம் எனவும் தெரிவித்தார். ஸ்டாலின் சொன்னால் 234 தொகுதிகளில் எங்கு வேண்டுமானாலும் நிற்பேன் எனவும் கூறியுள்ளார்.
Similar News
News April 8, 2026
தமிழக தேர்தல்: ₹462 கோடி பறிமுதல்
தமிழ்நாட்டில் தேர்தல் நடத்தை விதிகள் அமலுக்கு வந்ததுமுதல் நேற்றுவரை ₹462.74 கோடி மதிப்பு பணம், பரிசு பொருள்கள் பறிமுதல் செய்யப்பட்டுள்ளதாக ECI தெரிவித்துள்ளது. ₹92.07 கோடி ரொக்கப் பணம், ₹2.04 கோடி மதிப்புள்ள மதுபானம், ₹75.76 கோடி மதிப்புள்ள போதைப்பொருள், ₹214.38 கோடி தங்கம் & வெள்ளி, ₹78.49 கோடி மதிப்புள்ள இலவச பரிசு பொருள்களை பறக்கும்படை பறிமுதல் செய்துள்ளது.
News April 8, 2026
இனி 4 ஆண்டு B.Sc, B.Ed படிப்பு கிடையாது
பட்டப்படிப்புடன் ஆசிரியர் பயிற்சியும் இணைந்த ஒருங்கிணைந்த 4 ஆண்டு B.Sc, B.Ed மற்றும் B.A, B.Ed படிப்புகளை தமிழ்நாடு ஆசிரியர் கல்வியியல் பல்கலைக்கழகம் (TNTEU) வழங்கிவந்தது. இப்படிப்புகள் 2026-27 கல்வியாண்டு முதல் நிறுத்தப்படுவதாக TNTEU அறிவித்துள்ளது. மேலும், கல்வியியல் கல்லூரிகள் இந்த படிப்புகளில் மாணவர் சேர்க்கை மேற்கொண்டால் எந்த விதத்திலும் TNTEU பொறுப்பேற்காது என்றும் தெரிவிக்கப்பட்டுள்ளது.
News April 8, 2026
இவர்களிடம் இருந்து விலகி இருங்க: ரஜினி அட்வைஸ்
நடிகர்களின் வாகனத்தை பின் தொடராமல் இளைஞர்கள் ஜாக்கிரதையாக இருக்க வேண்டும் என மறைமுகமாக விஜய் ரசிகர்களை ரஜினி அறிவுரை கூறியுள்ளார். படிக்கிற நேரத்தில் படிக்க வேண்டும்; அதை விட்டுவிட்டால் ரொம்ப கஷ்டப்படுவீர்கள் எனக்கூறிய அவர், மது, கஞ்சா போன்றவற்றை இளைஞர்கள் தொடவே கூடாது என்றார். மேலும், போதைப் பழக்கத்தோடு நண்பர்கள் யாராவது இருந்தால் அவர்களிடம் இருந்து விலகி இருக்கவும் அறிவுறுத்தினார்.