News March 10, 2025
சென்னை ஐகோர்ட்டுக்கு மேலும் 2 நிரந்தர நீதிபதிகள்!
சென்னை உயர்நீதிமன்ற நிரந்தர நீதிபதிகளாக ஆர்.சக்திவேல் மற்றும் பி.தனபால் பதவியேற்றனர். கூடுதல் நீதிபதிகளாக பதவி வகித்த இருவருக்கும், நிரந்தர நீதிபதிகளாக தலைமை நீதிபதி கே.ஆர்.ஸ்ரீராம் பதவிப்பிரமாணம் செய்து வைத்தார். சென்னை உயர்நீதிமன்றத்தின் அனுமதிக்கப்பட்ட 75 நீதிபதிகள் பணியிடங்களில், இன்னும் 10 பணியிடங்கள் காலியாக உள்ளன.
Similar News
News March 10, 2025
IPLஇல் தவறான விளம்பரம் வேண்டாமே
IPL கிரிக்கெட் தொடரின்போது மது, பான் மசாலா போன்ற சுகாதார கேடான பொருள்களை விளம்பரம் செய்ய வேண்டாம் என்று மத்திய அரசு அறிவுறுத்தியுள்ளது. IPL தலைவருக்கு மத்திய சுகாதாரத்துறை அனுப்பியுள்ள கடிதத்தில், மைதானங்களிலும், டிவிகளிலும் இத்தகைய விளம்பரங்களை தவிர்க்குமாறு வலியுறுத்தப்பட்டுள்ளது. ஆல்கஹால் & டொபாகோ போன்றவற்றால் ஏற்படும் சுகாதாரக் கேடுகள் குறித்தும் அந்தக் கடிதத்தில் குறிப்பிடப்பட்டுள்ளன.
News March 10, 2025
சர்வதேச விக் தினம் இன்று – வரலாறு தெரியுமா?
இதற்கெல்லாம் தனியாக தினம் இருக்கிறதா என வேடிக்கையாக இருக்கிறதல்லவா?. ஆனால், International Wig Day கடைபிடிக்கப்படுவது வேடிக்கைக்காக அல்ல. புற்றுநோய்க்காக கீமோதெரபி செய்தவர்கள் மற்றும் பிற நோய்களால் தலைமுடியை இழந்தவர்களை ஊக்கப்படுத்தும் நோக்கில் விழிப்புணர்வுக்காக இந்த தினம் உருவானது. முதன்முதலில் டென்மார்க் நாட்டில் தான் விக் தினம் கடைபிடிக்கப்பட்டதாக கூறப்படுகிறது.
News March 10, 2025
CT நிறைவு நிகழ்ச்சியில் PCB பங்கேற்காதது ஏன்?
CT தொடரின் நிறைவு நிகழ்ச்சியில், அத்தொடரை நடத்திய பாக். கிரிக்கெட் வாரியம் (PCB) சார்பில் யாரும் பங்கேற்காதது சர்ச்சையானது. PCB தலைவரால் வர இயலவில்லை என ICC செய்தி தொடர்பாளர் தெரிவித்து இருந்தார். ஆனால், ICC தரப்பில் இருந்து அழைப்பு விடுக்கப்படாததால்தான், PCB தரப்பில் யாரும் கலந்துகொள்ளவில்லை என தகவல் வெளியாகியுள்ளது. இந்த விவகாரம் குறித்து ICCயிடம் PCB முறையிட உள்ளதாகவும் கூறப்படுகிறது.