News November 17, 2024
14 பதக்கங்கள் வென்ற திருப்பூர் மாணவ-மாணவிகள்
ஈரோட்டில் நடந்த மாநில தடகளப் போட்டியில், திருப்பூர் மாவட்ட வீரர், வீராங்கனைகள் இரண்டு தங்கம் உள்பட 14 பதக்கங்களைக் கைப்பற்றி அசத்தியுள்ளனர். நவ 6 முதல் 8ஆம் தேதி மாணவருக்கும், 9 முதல் 11ஆம் தேதி வரை மாணவியருக்கும் மாநில தடகளப் போட்டி நடந்தது. மாவட்ட தடகள போட்டியில் அசத்திய 70க்கும் மேற்பட்ட வீரர், வீராங்கனைகள் மாநில போட்டியில் பங்கேற்றனர்.வெற்றி பெற்ற வீரர்களுக்கு பாராட்டுகள் குவிந்தன.
Similar News
News November 19, 2024
அவிநாசிக்கு திரண்டு வந்த பக்தர்கள்
அவிநாசி லிங்கேஸ்வரர் கோவில், திருமுருகன் பூண்டி திரு முருக நாதர் சுவாமி கோவில் உள்ளிட்ட பல்வேறு கோவில்கள் திருப்பூர் மாவட்டத்தில் சிறப்பு வாய்ந்த கோவில்களாக விளங்குகின்றன. மேலும் மாவட்டத்தில் உள்ள கோவில்களுக்கு 5 லட்சம் பேர் வந்து சென்றுள்ளனர் என சுற்றுலாத்துறை கணக்கெடுப்பு கூறுகிறது. அதன்படி அவிநாசியில் லிங்கேஸ்வரர் கோவிலுக்கு 31,000 பக்தர்கள் வந்து சென்றுள்ளனர்.
News November 19, 2024
திருப்பூர் அரசியலில் இது புதுசா இல்ல இருக்கு!
பெருமாநல்லூர் நால் ரோட்டில் அதிமுகவின் 53ஆம் ஆண்டு விழா பொதுக்கூட்டம் நேற்று முன்தினம் இரவு நடைபெற்றது. பொதுக்கூட்டத்திற்கு வருபவர்களுக்கு புதிதாக பிளாஸ்டிக் நாற்காலி வழங்கப்படும் என அறிவிக்கப்பட்டது. வழக்கமாக அரசியல் கட்சி கூட்டங்களில் மட்டன் பிரியாணி, சிக்கன் பிரியாணி, இட்லி, தோசை, சப்பாத்தி, குருமா வழங்கப்படும். ஆனால் நாற்காலி இலவசமாக வழங்கப்பட்டது அரசியலில் பேசுபொருளாகியுள்ளது.
News November 19, 2024
பேக்கரி ஊழியர் மீது தாக்குதல்: 4 பேர் கைது!
திருப்பூர் வீரபாண்டியில் பொன்ராஜ் என்பவருக்கு சொந்தமான பேக்கரியில் நேற்று நள்ளிரவு டீ இல்லை என்று கூறியதால் போதை கும்பல் வாக்குவாதத்தில் ஈடுபட்டதோடு, கடை ஊழியர்கள் மீது சரமாரியாக தாக்குதலில் ஈடுபட்ட சிசிடிவி வீடியோ பெரும் பரபரப்பை ஏற்படுத்தியது. இந்நிலையில், அதனை ஆதாரமாகக் கொண்டு போலீசார் சிவா (36), கனகராஜ் (38), கார்த்திக் (29), மணிகண்டன் (34) ஆகியோரை கைது செய்தனர்.