News August 29, 2025
மகளிருக்கு ₹5,000 மானியம்… தமிழக அரசு அறிவிப்பு
மகளிர் வணிக ரீதியிலான <<17552261>>கிரைண்டர் வாங்க<<>> தமிழக அரசு ₹5,000 மானியம் வழங்கி வருகிறது. 25 வயதிற்கு மேல் உள்ள மகளிருக்கே இந்த திட்டம் பொருந்தும். கைம்பெண், ஆதரவற்ற பெண்களுக்கு முன்னுரிமை அளிக்கப்படும். ஆண்டு வருமானம் ₹1.2 லட்சத்திற்குள் இருக்க வேண்டும். தகுதியான பெண்கள் வரும் செப்.1-ம் தேதிக்குள் மாவட்ட சமூகநல அலுவலகத்தை தொடர்பு கொண்டு மானியம் பெறலாம். SHARE IT.
Similar News
News August 29, 2025
‘AA22’ படத்தில் இணைந்த மிருணாள், யோகிபாபு
அட்லி இயக்கத்தில் அல்லு அர்ஜூன் நடிக்கும் படத்தின் படப்பிடிப்பு மும்பையில் நடந்து வருகிறது. இதன் ஷூட்டிங்கில் மிருணாள் தாகூர், யோகிபாபு கலந்து கொண்டதாக சினிமா வட்டாரங்கள் தெரிவிக்கின்றன. ஏற்கெனவே தீபிகா படுகோன் நடித்து வரும் நிலையில், 2-வது ஹீரோயினாக மிருணாள் இணைந்துள்ளார். அதேபோல், யோகிபாபுவும் இணைந்துள்ளதால் இப்படத்தில் காமெடிக்கு பஞ்சம் இருக்காது என ரசிகர்கள் தெரிவிக்கின்றனர்.
News August 29, 2025
2026-ல் அம்மா மாடல் ஆட்சி: EPS
மக்களை காப்போம், தமிழகம் மீட்டோம் பயணத்திற்கு பேராதரவு கிடைத்துள்ளதாக EPS தெரிவித்துள்ளார். 40 நாள்கள் பயணத்தில் 118 தொகுதிகளில் 60 லட்சம் மக்களை சந்தித்தாகவும், அதற்கு கிடைத்த ஆதரவை ஸ்டாலினால் பொறுத்துக்கொள்ள முடியவில்லை எனவும் குறிப்பிட்டுள்ளார். தனது பயணம் தொடரும் என்றும், 2026-ல் விளம்பர மாடல் ஆட்சியை வீட்டுக்கு அனுப்பி அம்மா மாடல் ஆட்சியை அரியணையில் ஏற்றுவேன் எனவும் சபதமிட்டுள்ளார்.
News August 29, 2025
விளம்பரத்திற்காக செயல்படும் திமுக அரசு: அன்புமணி
‘உங்களுடன் ஸ்டாலின்’ திட்ட மனுக்கள் ஆற்றில் வீசப்பட்ட சம்பவத்தை அன்புமணி கடுமையாக விமர்சித்துள்ளார். நம்பிக்கையுடன் மக்கள் அளித்த கோரிக்கை மனுக்களுக்கு திமுக அரசு எந்த அளவிற்கு மரியாதை கொடுக்கிறது என்பதற்கு இதுவே சான்று என அவர் X-ல் பதிவிட்டுள்ளார். இது ஊரை ஏமாற்றும் திட்டம் எனவும், விளம்பரத்திற்காக செயல்படும் அரசிடமிருந்து வேறு எதை எதிர்பார்க்க முடியும் என்றும் அவர் சாடியுள்ளார்.