News January 13, 2026
ஹாஸ்பிடல்களில் அடையாள அட்டை கட்டாயம்
தமிழக அரசு ஹாஸ்பிடல்களில் இன்று முதல் நோயாளிகள், அவர்களின் உறவினர்களுக்கு 24 மணி நேரமும் அடையாள அட்டை கட்டாயம் என மருத்துவத்துறை உத்தரவிட்டுள்ளது. சமீபத்தில் கீழ்ப்பாக்கம் அரசு ஹாஸ்பிடலில் மகப்பேறு வார்டு அருகே ஒருவர் கொலை செய்யப்பட்ட சம்பவம் அதிர்ச்சியை அளித்தது. இதுதொடர்பாக எதிர்க்கட்சிகள் கடும் கண்டனம் தெரிவித்தன. அதன் எதிரொலியாக அரசு ஹாஸ்பிடலில் இனி ஐடி கார்டு கட்டாயமாக்கப்பட்டுள்ளது.
Similar News
News March 26, 2026
தங்கம் விலை சவரனுக்கு ₹30,000 குறைந்தது
ஜனவரி இறுதியில் புதிய உச்சமாக தங்கம் 1 சவரன் ₹1,34,400-க்கு விற்பனையானது. அதன் பின்னர், ஏற்ற இறக்கமாக கண்ணாமூச்சி ஆடிய தங்கம் விலை, தற்போது சுமார் ₹30,000 வரை குறைந்துள்ளது. இப்போது, 1 சவரன் ₹1,06,800 ஆக உள்ளது. தங்கம் விலை மேலும் குறையுமா, தற்போது வாங்கலாமா என மக்கள் குழப்பத்தில் உள்ளனர். இந்நிலையில், தங்கம் விலை சில வாரங்களுக்கு சரிந்து பின் மீண்டும் உயரும் என நிபுணர்கள் கூறுகின்றனர்.
News March 26, 2026
234 தொகுதிகளிலும் போட்டியிட தயார்: வேல்முருகன்
தேர்தல் நெருங்கும் நிலையில் தவாக வேல்முருகன் தலைமையில் புதிய அணி மலர்ந்துள்ளது. ஜனநாயக புலிகள், எழுச்சி தமிழர் முன்னேற்ற கழகம் உள்ளிட்ட பல கட்சிகள், இயக்கங்கள் தவாகவுக்கு ஆதரவளித்திருப்பதாக அவர் கூறியுள்ளார். இவர்களுடன் இணைந்து 234 தொகுதிகளிலும் களமிறங்குவது பற்றி ஆலோசித்து வருவதாகவும், இதனால் பலரின் தூக்கம் கெடும் என்றும் அவர் பேசியுள்ளார். <<-se>>#TNElection2026<<>>
News March 26, 2026
பொன்முடிக்கு எதிரான வழக்கிற்கு இடைக்கால தடை
சைவ, வைணவ சமயங்கள் மற்றும் பெண்கள் குறித்து சர்ச்சை கருத்து தெரிவித்தது தொடர்பான வழக்கில் நேரில் ஆஜராகும்படி, பொன்முடிக்கு சென்னை ஜார்ஜ் டவுன் கோர்ட் சம்மன் அனுப்பி இருந்தது. இதை எதிர்த்து அவரது தரப்பில் சென்னை ஐகோர்ட்டில் முறையீடு செய்யப்பட்டது. இதை விசாரித்த நீதிபதிகள் இந்த வழக்கின் விசாரணைக்கும் பொன்முடி நேரில் ஆஜராவதற்கும் இடைக்கால தடை விதித்து உத்தரவிட்டனர்.