News January 29, 2026
வேலூரில் பள்ளி மாணவி துடிதுடித்து பலி!
குடியாத்தம் அருகே விவசாயி வெங்கடேசனின் மகள் இனிதா (16). இவா் மாதனூரில் உள்ள அரசு மேல்நிலைப் பள்ளியில் +1 படித்து வந்தாா். புதன்கிழமை மாலை வழக்கம்போல் பள்ளியிலிருந்து வீட்டுக்கு வந்த இவா் வீட்டருகே கருவேப்பிலை பறிக்கும் போது விவசாய கிணற்றில் தவறி விழுந்துள்ளாா். அப்பகுதி மக்கள் கொடுத்த தகவலின்பேரில், குடியாத்தம் தீயணைப்புப் படையினா் அங்கு சென்று அரை மணி நேரம் போராடி சடலத்தை மீட்டனர்.
Similar News
News February 13, 2026
வேலூரில் துடிதுடித்து பலி!
கீழ்வடுகன்குட்டையை சேர்ந்த முன்னாள் ராணுவ வீரர் சதீஷ்குமார் (35). இவர் நேற்று மாலை தனது மாமனார் கோபியுடன் (62) பைக்கில் லத்தேரிக்கு சென்றனர். அப்போது பைக் நிலை தடுமாறி புளியமரத்தில் மோதி விபத்து ஏற்பட்டது. இதில் படுகாயமடைந்த 2 பேரையும் மீட்டு அரசு மருத்துவமனைக்கு அனுப்பி வைத்தனர். அங்கு பரிசோதித்த டாக்டர்கள் சதீஷ்குமார் இறந்து விட்டதாக தெரிவித்தனர். இது குறித்து போலீசார் விசாரித்து வருகின்றனர்.
News February 13, 2026
ஓடும் ஆம்புலன்சிலேயே பெண்ணுக்கு பிரசவம்
அணைக்கட்டு அடுத்த பீஞ்சமந்தை மலை பகுதி முத்தனூர் கிராமத்தை சேந்தவர் அப்பாவு, கூலி தொழிலாளி. இவரது மனைவி பிரியா, நிறைமாத கர்ப்பிணி. பிரசவ வலியில் நேற்று துடித்த பிரியாவை வேலூர் பெண்ட்லென்ட் அரசு மருத்துவமனைக்கு ஆம்புலன்சில் ஏற்றி கொண்டு வந்தனர். அப்போது ஓடும் ஆம்புலன்சிலேயே பிரியாவுக்கு அழகான ஆண் குழந்தை பிறந்தது. தொடர்ந்து தாயும், சேயும் வேலூர் அரசு மருத்துவமனையில் பாதுகாப்பாக அனுமதிக்கப்பட்டனர்.
News February 13, 2026
வேலூர்: தலையில் கல்லை தூக்கி போட்டு கொலை!
வேலூர் மாவட்டம் சத்துவாச்சாரி வ.உ.சி நகரை சேர்ந்தவர் ராமு (43) கட்டிட தொழிலாளி. இவர் நேற்று (பிப்.13) அப்பகுதியில் தலையில் காலால் தாக்கப்பட்டு, கொலை செய்யப்பட்டு கிடந்தார். இதுகுறித்து தகவலறிந்த சத்துவாச்சாரி போலீசார் சம்பவ இடத்திற்கு விரைந்து சென்று விசாரணை நடத்தினர். மேலும் சடலத்தை மீட்டு பிரேத பரிசோதனைக்காக வேலூர் அரசு மருத்துவமனைக்கு அனுப்பி வைத்தனர்.