News November 19, 2024
வேலூரில் ஒரே நாளில் 300 ஆட்டோக்களுக்கு அபராதம்
வேலூர் பழைய பஸ் நிலையம் மற்றும் அண்ணாசாலையில் போக்குவரத்து போலீசார் நேற்று திடீரென வாகன சோதனையில் ஈடுபட்டனர். அப்போது அவ்வழியாக வந்த ஆட்டோக்களை நிறுத்தி சோதனை செய்தனர். அதில் ஆவணங்கள் இல்லாமல் இயக்கப்பட்ட 25 ஆட்டோக்களை பறிமுதல் செய்தனர். மேலும் பல்வேறு விதிகளை மீறியதாக 300 ஆட்டோக்களுக்கு 1.76 லட்சம் அபராதம் விதிக்கப்பட்டுள்ளது என போக்குவரத்து போலீசார் தெரிவித்தனர்.
Similar News
News November 19, 2024
வேலூர் அருகே 5 பேர் கைது
பேரணாம்பட்டு அம்பேத்கர் நகர் மாந்தோப்பில் காட்டன் சூதாட்டம் நடைபெறுவதாக பேரணாம்பட்டு போலீசாருக்கு நேற்று ரகசிய தகவல் கிடைத்தது. அதன் பேரில் போலீசார் அப்பகுதியில் ரோந்து சென்றனர். அப்போது அங்கு காட்டன் சூதாட்டத்தில் ஈடுபட்டிருந்த அப்பாஸ் (30), படையப்பா (25), ஆனந்தன் (37), சேட்டு (43), அலிமுதின் (33) ஆகிய 5 பேரை கைது செய்தனர். மேலும் அவர்களிடம் இருந்து 5 பைக்குகளை பறிமுதல் செய்தனர்.
News November 18, 2024
வேலூர் யானை தந்தம் விற்க முயன்ற 5 பேர் கைது
வேலூர் அடுத்த அரியூர் பகுதியில் யானை தந்தம் விற்பனை செய்ய முயற்சிப்பதாக வேலூர் வனத்துறையினருக்கு இன்று ரகசிய தகவல் கிடைத்தது. அதன்பேரில் வனத்துறையினர் அப்பகுதியில் சோதனை நடத்தினர். அப்போது, பாஜக வேலூர் மாவட்ட இளைஞரணி செயலாளர் சரத்குமார் உட்பட 5 பேர் யானை தந்தம் வைத்து இருந்தனர். இதையடுத்து, அவர்களை கைது செய்து விசாரணை நடத்தி வருகின்றனர்.
News November 18, 2024
காவல்துறை இரவு ரோந்து பணி வெளியீடு
வேலூர், காட்பாடி, குடியாத்தம் அதன் சுற்றுவட்டார பகுதிகளில் இன்று இரவு ரோந்து பணியில் ஈடுபடும் போலீசாரின் விவரங்கள் சற்று முன் வெளியிடப்பட்டன. இப்பகுதிகளில் ரோந்து பணியில் ஈடுபடும் போலீசாருக்கான தகவல்கள் மேலே உள்ள புகைப்படத்தில் கொடுக்கப்பட்டுள்ளன. புகார்கள் மற்றும் தகவல்களை தெரிவிக்க தொடர்பு கொள்ளலாம்.