News March 5, 2026
வெடிக்காமல் போனது விஜய் வைத்த BOMB
TVK முதல் மாநாட்டில் கூட்டணிக்கு வரும் கட்சிகளுக்கு அதிகாரத்தில் பங்கு தருவதாக விஜய் கூறியிருந்தார். அதன்பிறகு திமுக, அதிமுகவில் நிலவிய கூட்டணி சலசலப்பை சேலம் கூட்டத்தில் குறிப்பிட்டு, தான் வைத்த BOMB நன்றாக வெடிக்கிறது என விஜய் பேசினார். ஆனால், இதுவரை தவெகவுடன் யாரும் கூட்டணி சேரவில்லை. காங்கிரஸும், திமுக கூட்டணியில் தொடர்வதால் விஜய் வைத்த BOMB வெடிக்கவில்லை என அரசியல் நோக்கர்கள் கூறுகின்றனர்.
Similar News
News March 9, 2026
60 வயது மூதாட்டி பாலியல் வன்கொடுமை.. கொடூரம்!
கிருஷ்ணகிரி மாவட்டம் ஊத்தங்கரை அருகே தோட்டத்து வீட்டில் தனியாக வசித்து வந்த தம்பதிக்கு நேர்ந்த கொடூரம் தமிழகத்தை உலுக்கியுள்ளது. நள்ளிரவில் 70 வயது முதியவரின் தலையில் கல்லைப் போட்டு கொலை செய்துவிட்டு, அவரது 60 வயது மனைவியான மூதாட்டியை பாலியல் வன்கொடுமை செய்துள்ளார். சம்பவ இடத்தில் மோப்ப நாய்கள் உதவியுடன் போலீசார் விசாரணை நடத்தி வரும் நிலையில், உறவினர்கள் போராட்டத்தில் குதித்துள்ளனர்.
News March 9, 2026
வரலாறு காணாத வகையில் ரூபாயின் மதிப்பு வீழ்ச்சி
அமெரிக்கா, இஸ்ரேல்-ஈரான் இடையிலான போர் சூழலால் இந்திய ரூபாயின் மதிப்பு வரலாறு காணாத வகையில் வீழ்ச்சியடைந்துள்ளது. டாலருக்கு நிகரான இந்திய ரூபாயின் மதிப்பு 11 காசு சரிந்து ₹92.31-ஆக உள்ளது. இதன் எதிரொலியால், வெளிநாடுகளில் இருந்து இறக்குமதி செய்யப்படும் பொருள்களின் விலை கணிசமாக உயர வாய்ப்புள்ளது. குறிப்பாக, கடந்த சில நாள்களாக குறைந்து வரும் தங்கம், எண்ணெய், பெட்ரோல், டீசல் விலை அதிகரிக்கக்கூடும்.
News March 9, 2026
சூர்யகுமார் ஓய்வு.. வதந்திக்கு முற்றுப்புள்ளி
T20 WC பைனலுக்கு பிறகு சூர்யகுமார் தனது ஓய்வை அறிவிப்பார் என்று செய்திகள் வலம் வந்து கொண்டிருந்தன. இந்நிலையில் இதற்கு அவர் மறுப்பு தெரிவித்துள்ளார். போட்டிக்கு பிறகு நிருபரின் கேள்விக்கு பதிலளித்த அவர், தற்போது ஓய்வு பெறும் எண்ணம் இல்லை என்றும் அடுத்து எதிர்வரும் ஒலிம்பிக் மற்றும் T20 WC-ஐ வெல்வதிலேயே தனது தற்போதைய கவனம் இருப்பதாகவும் தெரிவித்தார். இந்த 2 தொடர்களும் 2028-ல் நடைபெற உள்ளன.