News November 13, 2025
விவசாயிகள் மாநாட்டில் பங்கேற்க தமிழகம் வரும் PM
வேளாண் கூட்டமைப்பு மாநாட்டில் பங்கேற்பதற்காக வரும் 19-ம் தேதி PM மோடி தமிழகம் வருகிறார். கோவை கொடிசியா வளாகத்தில் நடக்கும் இந்த மாநாட்டில் 5000 விவசாயிகள் பங்கேற்கின்றனர். மண் வளம், மனித வளத்தை பாதுகாக்கும் நோக்கத்துடன் இந்த மாநாடு நடத்தப்படுகிறது. மோடி வருகையையொட்டி கோவையில் பலத்த பாதுகாப்பு ஏற்பாடுகள் செய்யப்பட்டுள்ளன.
Similar News
News November 13, 2025
அதிமுகவில் இருந்து நீக்கினார்
கிருஷ்ணகிரி அதிமுக முக்கிய நிர்வாகியும், கவுன்சிலருமான நாகஜோதியை கட்சியிலிருந்து நீக்கி EPS அறிவித்துள்ளார். கிருஷ்ணகிரி நகராட்சி சேர்மன் பரிதா நவாப்புக்கு எதிரான நம்பிக்கையில்லா தீர்மானத்தில் அவருக்கு ஆதரவாக நாகஜோதி வாக்களித்தார். திமுகவை சேர்ந்த பரிதா நவாப்பின் பதவியை சொந்த கட்சியினரே பறித்தனர். வரும் தேர்தலில் கிருஷ்ணகிரியில் கட்டாயம் வெற்றி பெற திமுகவினருக்கு CM ஸ்டாலின் உத்தரவிட்டிருந்தார்.
News November 13, 2025
சரிவுடன் தொடங்கிய பங்குச்சந்தை
இன்று (நவ.13) வர்த்தகம் தொடங்கியதில் இருந்தே பங்குச்சந்தை இறக்கத்துடனே காணப்படுகிறது. சென்செக்ஸ் 100 புள்ளிகள் குறைந்து 84,366 புள்ளிகளிலும், நிஃப்டி 32 புள்ளிகள் குறைந்து 25,843 புள்ளிகளிலும் வர்த்தகமாகி வருகிறது. Ashok Leyland, P&G, Vedanta ஆகிய நிறுவனங்களின் பங்குகள் ஏற்றத்துடன் உள்ள நிலையில், ONGC, Orient உள்ளிட்ட நிறுவனங்களின் பங்குகள் சரிவுடன் காணப்படுகின்றன.
News November 13, 2025
டெல்லியில் மீண்டும் வெடிச்சத்தம்!
டெல்லி, மஹிபால்பூர் பகுதியில் காலை 9.18 மணிக்கு சக்தி வாய்ந்த வெடி சத்தம் கேட்டதால் மீண்டும் பரபரப்பு ஏற்பட்டுள்ளது. போலீசார், சம்பவ இடத்திற்கு விரைந்துள்ளனர். கடந்த 10-ம் தேதி செங்கோட்டை அருகே நிகழ்ந்த கார் வெடிப்பு சம்பவத்தில் 13 பேர் உயிரிழந்த நிலையில், இன்னொரு வெடிச்சத்தம் கேட்டுள்ளது. ஆனாலும், இந்த சம்பவத்தின் முழு விவரம் இதுவரை வெளியாகவில்லை.