News February 3, 2026
விரைவில் களமிறங்கும் CSK மகளிர் படை..!
மகளிர் அணியை வாங்குவதே தங்களது அடுத்த இலக்கு என CSK அணியின் CEO காசி விஸ்வநாதன் தெரிவித்துள்ளார். ஐபிஎல் தொடரில் 5 சாம்பியன் பட்டங்களுடன் வெற்றிகரமான அணியாக CSK உள்ளது. எனினும் WPL தொடரில் இன்னும் பங்கேற்காமல் விலகியே உள்ளது. இந்நிலையில் உடனடியாக இல்லாவிட்டாலும், வரும் ஆண்டுகளில் நிச்சயமாக மகளிர் அணி உருவாகும் என அணி நிர்வாகம் தெரிவித்துள்ளது CSK ரசிகர்களை மகிழ்ச்சியில் ஆழ்த்தியுள்ளது.
Similar News
News February 4, 2026
கல்விக் கடன் தள்ளுபடி: EPS வாக்குறுதி
அதிமுக தேர்தல் வாக்குறுதியாக கல்விக் கடன் தள்ளுபடி செய்யப்படும் என EPS அறிவித்துள்ளார். மக்களிடம் பெறப்பட்ட கோரிக்கையை வைத்து அதிமுகவின் தேர்தல் அறிக்கை தயாரிக்கப்படுகிறது என்ற அவர், மேலும் பல அறிவிப்புகள் வரும் என்றார். அத்துடன், மகளிர் சுய உதவிக் குழுக்களின் கடன்கள், மாற்றுத்திறனாளிகள் கூட்டுறவு வங்கிகளில் பெற்ற கடன்கள் ஆகியவை தள்ளுபடி செய்யப்படும் எனவும் அறிவித்துள்ளார்.
News February 4, 2026
EPS என்ன CBI அதிகாரியா? செங்கோட்டையன்
கரூர் சம்பவத்தில் EPS குரல் கொடுக்கவில்லை என்றால் தவெக இல்லாமலேயே போயிருக்கும் என அதிமுகவினர் வைக்கும் விமர்சனத்துக்கு செங்கோட்டையன் பதிலடி கொடுத்துள்ளார். EPS என்ன CBI உயரதிகாரியா என KAS கேள்வியெழுப்பியுள்ளார். தவெக கொடி பறக்குது, கூட்டணிக்கு பிள்ளையார் சுழி போட்டாச்சு என EPS பேசியதை குறிப்பிட்ட KAS, அதிமுகவினரே TVK கொடியை பிடித்துக்கொண்டு அன்று அவ்வாறு பேசியதாகவும் விமர்சித்துள்ளார்.
News February 4, 2026
தனித்து களம் காண்கிறாரா ராமதாஸ்?
தேமுதிகவை கூட்டணிக்கு இழுக்க போட்டிபோடும் திமுக & அதிமுக, ராமதாஸை கண்டுகொள்ளவில்லை என கூறப்படுகிறது. இதனால் அவர் அதிருப்தியில் இருப்பதாக பேசப்படும் நிலையில், தனியாகவே களமிறங்குவது குறித்த ஆலோசனையில் ஈடுபட்டு வருகிறாராம். அத்துடன், தேர்தலில் வெற்றி கிடைக்கவில்லை என்றாலும், அன்புமணி ஆதரவாளர்கள் போட்டியிடும் தொகுதியில் வேட்பாளர்களை நிறுத்தி அவரது தரப்பை தோற்கடிக்க ராமதாஸ் எண்ணுவதாக கூறப்படுகிறது.