News September 26, 2024

விருதுநகர் அருகே பாலித்தீன் பை நிறுவனத்தில் தீ விபத்து

விருதுநகர் அருகே கருப்பம்பட்டியில் உள்ள சிட்கோ தொழில்பேட்டையில் சிவகாசியை சேர்ந்த பாலாஜி என்பவருக்கு சொந்தமான பாலித்தீன் பை தயாரிக்கும் நிறுவனம் உள்ளது. இங்கு நேற்று (செப்.25) திடீரென எந்திரங்கள் உள்ள பகுதியில் தீ விபத்து ஏற்பட்டது. இது குறித்து தகவல் அறிந்து விரைந்து வந்த தீயணைப்புத் துறையினர் தீயை துரிதமாக செயல்பட்டு அணைத்தனர். தீ விபத்து குறித்து ஆமத்தூர் போலீசார் விசாரணை நடத்தி வருகின்றனர்.