News January 2, 2026
விஜய்க்கு எதிராக களமிறங்கும் சிவகார்த்திகேயன்
‘ஜனநாயகன்’ படத்திற்கு போட்டியாக ‘பராசக்தி’ படம் ரிலீசாவது உறுதியாகியுள்ளது. தனது ‘செம்மொழி’ கதையை திருடி ‘பராசக்தி’ படம் எடுக்கப்பட்டுள்ளதாகவும் அதற்கு தடை கோரியும் உதவி இயக்குநர் ராஜேந்திரன் என்பவர் வழக்கு தொடர்ந்திருந்தார். இந்த வழக்கு விசாரணைக்கு வந்தபோது, ‘பராசக்தி’ படத்திற்கு தடை விதிக்க சென்னை ஐகோர்ட் மறுத்துள்ளது. இதனால், பொங்கல் ரேஸில் விஜய்க்கு எதிராக SK களமிறங்குவது உறுதியாகியுள்ளது.
Similar News
News January 31, 2026
தினம் ஒரு திருக்குறள்
▶குறள் பால்: பொருட்பால் ▶இயல்: அரசியல் ▶அதிகாரம்: ஊக்கமுடைமை ▶குறள் எண்: 597 ▶குறள்: சிதைவிடத்து ஒல்கார் உரவோர் புதையம்பிற் பட்டுப்பா டூன்றுங் களிறு. ▶பொருள்: உடல் முழுதும் அம்புகளால் துளைக்கப்பட்டாலும் யானையானது உறுதி தளராமல் இருப்பதுபோல, ஊக்கமுடையவர்கள், அழிவே வந்தாலும் அதற்காகக் கவலைப்படமாட்டார்கள்.
News January 31, 2026
துணை முதல்வராக பதவி ஏற்கிறார் அஜித் பவார் மனைவி!
அஜித் பவார் மரணத்தையடுத்து அவரது மனைவி சுனேத்ரா பவார் மஹாராஷ்டிராவின் துணை முதல்வராக இன்று பதவி ஏற்க உள்ளதாக தகவல் வெளியாகியுள்ளது. தேசியவாத காங்கிரஸ் சட்டமன்ற கட்சிக் கூட்டத்தில் சுனேத்ரா பவார் தலைவராக அறிவிக்கப்படுவார் என அக்கட்சியின் தலைவர் சகான் புஜ்பால் தெரிவித்துள்ளார். அதனையடுத்து மாலை 5 மணியளவில் அவர் துணை முதல்வராகப் பதவியேற்க உள்ளார்.
News January 31, 2026
1977-ல் நடந்த வரலாறு 2026-ல் மீண்டும் நடக்கும்: அருண்ராஜ்
தவெக தலைவர் விஜய் ஒரு குளோபல் தமிழ் ஐகான் என அருண்ராஜ் பேசியுள்ளார். NDTV TN கருத்தரங்கில் பேசிய அவர், விஜய் மிகப்பெரிய ரசிகர் பட்டாளம் கொண்டிருக்கிறார் ஆனால், தவெகவிற்கு தற்போது உள்ள ஆதரவு ரசிகர்கள் பட்டாளத்தை விட மிகப்பெரியது என்றும், ஒட்டுமொத்தTN மக்களும் மாற்றத்தை விரும்புகிறார்கள். எனவே 1977-ல் நடந்த வரலாறு 2026-ல் திரும்பவும் நடக்கும் எனவும் அவர் தெரிவித்துள்ளார்.