News December 26, 2024
லேப் டாப் திருடிய இளைஞர் கைது
புதுச்சேரி, காலாப்பட்டில் மத்திய பல்கலைக்கழகம் அமைந்துள்ளது. பல்கலைக்கழக மாணவர் விடுதியில், தங்கியுள்ள 4 மாணவர்களின் விலை உயர்ந்த 4 ‘லேப் டாப்’கள் கடந்த 17ம் தேதி திருடு போனது.புகாரின் பேரில், காலாப்பட்டு போலீசார் வழக்குப் பதிந்து, பல்கலை வளாகத்தில் உள்ள சி.சி.டி.வி., பதிவுகளை ஆய்வு செய்தனர். லேப் டாப்களை திருடியது, திருவாரூர் மாவட்டத்தை சேர்ந்த தமிழ்செல்வன் போலீசார் நேற்று கைது செய்தனர்.
Similar News
News December 26, 2024
ரோல்பால் போட்டியில் வெற்றி – முதல்வர் வாழ்த்து
கோவாவில் ஆசிய அளவிலான ரோல்பால் போட்டி நான்கு நாட்கள் நடந்தன. இந்தியா சார்பில், மகாராஷ்டிரா, ராஜஸ்தான், குஜராத், ஹரியானா, தமிழ்நாடு, புதுச்சேரியை சேர்ந்த 12 வீரர், வீராங்கனைகள் பங்கேற்றனர். தங்கப்பதக்கம் வென்ற மகளிர் அணியை சேர்ந்த காரைக்கால் கல்லுாரி மாணவி வைஷாலிக்கு பதக்கக்கோப்பை அவருக்கு வழங்கப்பட்டது. பதக்கம் வென்ற அவர் நேற்று சட்டப்பேரவையில் முதல்வர் ரங்கசாமியை சந்தித்து வாழ்த்து பெற்றார்.
News December 26, 2024
ஹால்டிக்கெட் தராமல் அலைக்கழிப்பு – முதல்வரிடம் புகார்
புதுச்சேரி சென்டாக் மாணவர் பெற்றோர் சங்க தலைவர் நாராயணசாமி கவர்னர் மற்றும் முதல்வருக்கு நேற்று அனுப்பியுள்ள புகார் மனுவில், அரசு மகளிர் பொறியியல் கல்லூரியில் தேர்வு எழுத ஹால்டிக்கெட் தராமல் அலைகழிப்பதாகவும் மாணவிகள் மனஉளைச்சலில் உள்ளனர். கவர்னர், முதல்வர், கல்வி அமைச்சர், தலமைச்செயலாளர், கல்வித்துறை செயலாளர் ஆகியோர் இதில் தலையிட்டு மாணவர்களுக்கு ஹால்டிக்கெட் வழங்கிட வலியுறுத்தினார்.
News December 26, 2024
மானிய விலையில் கறவை பசுக்கள் வழங்கப்படும்- முதலமைச்சர்
புதுச்சேரி தேங்காய்த்திட்டில் நேற்று நடைபெற்ற பால் உற்பத்தியாளா்கள் கூட்டுறவு சங்கத்தின் தொடக்க விழா நிகழ்ச்சியில் பேசிய முதல்வா் ரங்கசாமி 450 கறவைப் பசுக்களை அரசு 75 சதவீத மானிய விலையில் வழங்க நடவடிக்கை எடுத்துள்ளது. அதற்கான தீவன மானியமும் வழங்கப்படும்.விவசாயிகள் மட்டுமின்றி படித்துவிட்டு வேலையில்லாத இளைஞா்களும் பசுக்களை வளா்த்து பால் உற்பத்தி மூலம் வருவாயை ஈட்டலாம் என்றார்