News July 26, 2024

ரூ.53 லட்சம் மோசடி செய்தவர் கைது

ஊட்டியை சேர்ந்தவர் ராஜன் (வயது 50). அவர் மீது குன்னூரை சேர்ந்த நவீன் என்பவர் உதகை குற்ற தடுப்பு பிரிவு போலீசில் புகார் கொடுத்தார். போலீஸ் விசாரணையில் இவர் 9 பேரிடம் அரசு வேலை வாங்கி தருவதாக ரூ.38 லட்சமும், வீடு புனரமைத்து தருவதாக 33 பேரிடம் ரூ.15.25 லட்சமும் மொத்தம் ரூ.53.28 லட்சம் மோசடி செய்தது தெரிய வந்துள்ளது. இதையடுத்து போலீசார் ராஜனை கைது செய்து நேற்று ஊட்டி சிறையில் அடைத்தனர்.