News April 9, 2024
ரூ.1 லட்சத்தை எட்டுமா வெள்ளி?
தங்கத்தின் விலை நாளுக்கு நாள் அதிகரித்து வருவதால் நடுத்தர வகுப்பு மக்கள் அதிர்ச்சி அடைந்துள்ளனர். அதே நேரம் வெள்ளியின் விலையும் கிடுகிடுவென உயர்ந்து வருகிறது. கடந்த ஆண்டில் வெள்ளியின் விலை 7.19% உயர்ந்தது. ஆனால், நடப்பு ஆண்டில் 3 மாதத்தில் மட்டும் 11% விலை ஏற்றம் கண்டுள்ளது. ஒரு கிலோ வெள்ளியின் விலை ₹88,000ஆக இருக்கும் சூழலில், இது ரூ.1 லட்சம் வரை உயரக் கூடும் என கணிக்கப்பட்டுள்ளது.
Similar News
News July 7, 2025
அஜித் மரணம்… விசாரணை அறிக்கை நாளை தாக்கல்
போலீஸ் கஸ்டடியில் அஜித் குமார் உயிரிழந்தது தொடர்பான விசாரணை அறிக்கை நாளை மதுரை ஐகோர்ட்டில் தாக்கல் செய்யப்படவுள்ளது. கடந்த 2-ம் தேதி முதல் ஜட்ஜ் ஜான் சுந்தர்லால் சுரேஷ், 20-க்கும் மேற்பட்ட சாட்சியங்களிடம் விசாரணை மேற்கொண்டுள்ளார். குற்றம் நடந்த பகுதிகளிலும் ஆய்வு மேற்கொண்டுள்ள அவர், நாளை விசாரணை அறிக்கையை தாக்கல் செய்யவுள்ளார். நாளை மேலும் பல திடுக்கிடும் தகவல்கள் வெளியாகும் எனக் கூறப்படுகிறது.
News July 7, 2025
அஜித்குமார் மரண வழக்கு: சிபிஐக்கு மாற்றம்
அஜித்குமார் மரண வழக்கை சிபிஐக்கு மாற்றி CM ஸ்டாலின் உத்தரவிட்டிருந்த நிலையில், அது அரசிதழில் வெளியிடப்பட்டுள்ளது. வழக்கில் 5 காவல்துறையினர் மீது குற்றம்சாட்டப்பட்டு உள்ளதால் வழக்கை சரியான திசையில் விசாரிக்க சிபிஐக்கு விசாரணையை மாற்றுவதாக ஸ்டாலின் தெரிவித்திருந்தார். விரைவில் இந்த வழக்கை CBI விசாரித்து, குற்றப்பத்திரிக்கையை தாக்குல் செய்யும் என எதிர்பார்க்கப்படுகிறது. நியாயம் கிடைக்குமா?
News July 7, 2025
பாஜக தேசியத் தலைவர் யார்?.. லிஸ்ட்டில் முந்தும் இருவர்!
பாஜக தேசியத் தலைவரின் பதவிக் காலம் முடிவடைந்து சுமார் ஓராண்டு ஆகிறது. புதிய தலைவரை நியமிப்பதில் ஆர்.எஸ்.எஸ் தலையீடு இருப்பதாக தகவல் வெளியாகியுள்ளது. சிவராஜ் சிங் சவுகான், மனோகர் லால் கட்டார் ஆகியோரில் ஒருவரை நியமிக்க பரிந்துரைத்திருப்பதாகக் கூறப்படுகிறது. அதேநேரத்தில், பெண் தலைவர் ஒருவரை நியமனம் செய்ய பாஜக திட்டமிட்டு வருவதாகவும் டெல்லி வட்டாரத்தில் பேசப்படுகின்றன. சீக்கிரம் அறிவிப்பு வரலாம்.