News November 19, 2025
ராகுலுடன் விஜய் பேசியது உண்மை: கார்த்தி சிதம்பரம்
ராகுலுடன் விஜய் கூட்டணி பேச்சுவார்த்தை நடத்தியதாக வெளியான தகவலுக்கு தவெக தரப்பில் மறுக்கப்பட்டது. இந்நிலையில், விஜய் – ராகுல் பேசியது உண்மைதான் என்று காங்., MP கார்த்தி சிதம்பரம் தெரிவித்துள்ளார். விஜய்க்கு கணிசமான வாக்குகள் கிடைக்கும். ஆனால், வாக்குகள் வெற்றியாக மாறுமா என்பதை பொறுத்திருந்துதான் பார்க்க வேண்டும். சட்டமன்ற தேர்தலில் விஜய் நிச்சயம் தாக்கத்தை ஏற்படுத்துவார் என்றும் கூறியுள்ளார்.
Similar News
News November 19, 2025
காட்டாட்சி முடிவுக்கு வரும்: நயினார் நாகேந்திரன்
<<18327587>>ராமேஸ்வரத்தில்<<>> பள்ளி மாணவி கத்தியால் குத்தி படுகொலை செய்யப்பட்டது அதிர்ச்சியளிப்பதாக நயினார் நாகேந்திரன் தெரிவித்துள்ளார். திமுக ஆட்சியில் பெண்களுக்கு எதிரான குற்றங்கள் குறைந்தபாடில்லை என்று விமர்சித்துள்ள அவர், பெண்களுக்கெதிரான ஆட்சி இனி தமிழகத்தில் தொடரக்கூடாது என்று கூறியுள்ளார். 2026-ல் திமுகவின் காட்டாட்சி முடிவுக்கு வரும் என்றும் அவர் குறிப்பிட்டுள்ளார்.
News November 19, 2025
பொய் சொல்லும் CM ஸ்டாலின்: அன்புமணி
தமிழகத்தில் தொழில் முதலீடுகள் தொடர்பாக அரசு பொய் கூறுவதாக அன்புமணி குற்றம் சாட்டியுள்ளார். 5 ஆண்டுகளில் 5% முதலீடுகள் மட்டுமே செயல்பாட்டுக்கு வந்துள்ளதாக கூறிய அவர், வெளிநாட்டு நிறுவனங்கள் தமிழ்நாட்டில் முதலீடு செய்ய பயந்து ஓடுவதாக விமர்சித்துள்ளார். மேலும், பொய்யை தவிர CM-க்கு வேற எதுவும் தெரியவில்லை என்றும் போதிய முதலீடுகள் இல்லாததால் இளைஞர்கள் வேலையில்லாமல் திண்டாடுகின்றனர் எனவும் சாடினார்.
News November 19, 2025
BREAKING: வங்கி கணக்கில் ₹2,000 வந்தது.. செக் பண்ணுங்க
கோவை கொடிசியா வளாகத்தில், தென்னிந்திய இயற்கை வேளாண் மாநாட்டை PM மோடி தொடங்கி வைத்தார். இதனையடுத்து, PM கிசான் திட்டத்தின் 21-வது தவணையான ₹2,000-ஐ மோடி விடுவித்தார். இதனால் விவசாயிகள் பெருமகிழ்ச்சி அடைந்துள்ளனர். கடந்த தவணையை பெற தவறியவர்களுக்கு இந்த முறை 2 தவணைத் தொகையையும் (₹4,000) சேர்த்து வழங்க வழிவகை செய்துள்ளதாக அரசு வட்டாரங்கள் தெரிவிக்கின்றன.