News April 10, 2025
ரவுடி வசூல் ராஜா கொலை வழக்கில்: குண்டாஸ் பாய்ந்தது
காஞ்சிபுரம் மாவட்டம் திருக்காலிமேடு பகுதியில், கடந்த மாதம் 11ஆம் தேதி ரவுடி வசூல் ராஜா (34) மர்ம கும்பலால் வெட்டி கொலை செய்யப்பட்டார். இவ்வழக்கில் கைது செய்யப்பட்ட 11 பேரில், பரத் (20) மற்றும் சிவா (19) ஆகிய இருவரையும் குண்டர் சட்டத்தில் கைது செய்ய, காஞ்சிபுரம் எஸ்.பி. சண்முகம், கலெக்டருக்கு பரிந்துரை செய்தார். அதன்படி, கலெக்டர் உத்தரவின் பேரில் குண்டர் சட்டத்தில் இருவரும் அடைக்கப்பட்டனர்.
Similar News
News April 18, 2025
கிணற்றில் விழுந்த நாய் உயிருடன் மீட்பு
காஞ்சிபுரம் மாவட்டம் காமராஜர் வீதி பின்புறம் உள்ள சேக்குபேட்டை பகுதியில், பயன்பாட்டில் இல்லாத 50 அடி ஆழம் கொண்ட தண்ணீர் இல்லாத பாழடைந்த கிணறு ஒன்று உள்ளது. சுற்றுச்சுவர் இல்லாத இந்த கிணற்றில், நேற்று (ஏப்ரல் 17) மாலை அங்கு சுற்றித்திரிந்த நாய் ஒன்று தவறுதலாக விழுந்துவிட்டது. தகவலறிந்து வந்த காஞ்சிபுரம் தீயணைப்பு துறையினர், அரை மணி நேரம் போராடி நாயை உயிருடன் மீட்டு வெளியே கொண்டு வந்தனர்.
News April 17, 2025
குழந்தை பாக்கியம் கிடைக்க சிறப்பான கோயில்
காஞ்சிபுரம் மாவட்டத்தில் அமைந்த திருமாலின் திவ்ய தேச கோவில்களில் திருவூரகம் உலகளந்த பெருமாள் கோவில் 50 வது திவ்ய தேச கோவிலாக போற்றப்படுகிறது. இத்தலம் திருமங்கை ஆழ்வாரால் மங்களாசாசனம் செய்யப்பட்ட தலமாகும்.1000 முதல் 2000 ஆண்டுகள் பழமையான இக்கோவிலில்சாமி தரிசனம் செய்தால் குழந்தைப்பேர் கிடைக்குமென்று சிறப்பும் உள்ளது, குழந்தை தடை உள்ளவர்களுக்கு இந்த செய்தியை பகிரவும்.
News April 17, 2025
வேலை தேடும் காஞ்சிபுரம் இளைஞர்கள் கவனத்திற்கு
வேலை தேடும் இளைஞர்களுக்கு முதல் சவாலே எங்கு வேலை உள்ளது என்பதை தெரிந்து கொள்வது தான். வேலை தேடும் இளைஞர்களுக்கு உதவிடும் வகையில் வேலைவாய்ப்பு மற்றும் பயிற்சி துறையின் மூலம் https://www.tnprivatejobs.tn.gov.in/ என்ற இணையதளம் செயல்பட்டு வருகிறது. இதன் மூலம் மாவட்ட வாரியாக தனியார் துறையில் உள்ள காலிப்பணியிடங்களை அறிந்து கொள்ள முடியும். வேலை தேடும் உங்க நண்பருக்கு ஷேர் பண்ணி ஹெல்ப் பண்ணுங்க.