News April 6, 2026
யாரை திருமணம் செய்யலாம் என்று கூட AI சொல்லும்: பிரதீப்
உறவு, உடை, மேக்கப் முதல் மருத்துவம் வரை அனைத்திற்கும் பலர் ChatGPT-யையே சார்ந்திருப்பதாக பிரதீப் ரங்கநாதன் கூறியுள்ளார். ஹைதராபாத்தில் LIK பட நிகழ்ச்சியில் பேசிய அவர், மக்கள் சக மனிதர்களை விட தங்கள் செல்போனை அதிகம் நம்பும் ஒரு சூழல் தற்போது உருவாகியுள்ளதாக தெரிவித்தார். எதிர்காலத்தில், ஒருவர் யாரை திருமணம் செய்ய வேண்டும் என்பதை கூட AI சொல்லும். இதுவே LIK படம் உருவாக காரணம் என்றும் தெரிவித்தார்.
Similar News
News April 10, 2026
வரலாற்றிலேயே முதல்முறை.. வாக்குப்பதிவு உயர்ந்தது
புதுச்சேரி, கேரளா & அசாம் மாநிலங்களில் நேற்று வாக்குப்பதிவு நடைபெற்றது. புதுச்சேரியில் வரலாற்றில் முதல்முறையாக மொத்தமாக 89.83% வாக்குகள் பதிவாகியுள்ளன. 1964-க்குப் பிறகு ஒரு சட்டப்பேரவைத் தேர்தல் ஒன்றில்பதிவான அதிகபட்ச வாக்குப்பதிவாகும். அதேபோல், அசாமில் 85.38% வாக்குகள் பதிவாகியுள்ளன. கடந்த 2016 அசாம் தேர்தலில் 84.67% வாக்குகள் பதிவாகியிருந்தது.
News April 10, 2026
ஜன நாயகன் லீக்.. முதல்முறையாக பேசினார்
ஜன நாயகன் படத்தின் காட்சிகள் இணையத்தில் லீக்கானது படக்குழுவை அதிர்ச்சிக்குள்ளாக்கியுள்ளது. இந்நிலையில், ரிலீஸுக்கு முன்பே லீக்காவது மிகப்பெரிய வலியை தருவதாக H.வினோத் வருத்தப்பட்டுள்ளார். ஒவ்வொரு காட்சியும் பலரது கனவை சுமந்துள்ளது; லீக்கான காட்சிகளை யாரும் ஷேர் செய்ய வேண்டாம் என்றும் அவர் கேட்டுக் கொண்டுள்ளார். ஜன நாயகன் பிரச்னைக்கு பிறகு H.வினோத் முதல்முறையாக வெளிப்படையாக பதிவிட்டுள்ளார்.
News April 10, 2026
காலுக்குள் இருக்கிறேன் என கேவலமா பேசுறாங்க: EPS
கொரோனா காலத்தில் ஸ்டாலின் <<19603279>>காணாமல் போனார்<<>> என்றுதான் பேசினேனே ஒழிய, தவறாக பேசவில்லை என EPS விளக்கமளித்துள்ளார். ஆனால் தன்னை பார்த்து ஸ்டாலினும், உதயநிதியும் ’காலுக்குள் இருக்கிறேன்’ என தரக்குறைவாக விமர்சித்ததாக கூறிய அவர், தன்னால் இதை விட அதிகமாக திருப்பி பேச முடியும் என்றார். மேலும், எந்த ஆயுதம் எடுக்க வேண்டும் என்பதை தீர்மானிப்பது நானல்ல, எதிரிகள் தான் என்றார்.