News January 7, 2026
யாரையும் நம்பி ஏமாறாதீர்கள்: EPS
அதிமுக சார்பில் போட்டியிட விருப்ப மனு அளித்தவர்கள் யாரையும் நம்பி ஏமாற வேண்டாம் என EPS கேட்டுக் கொண்டுள்ளார். தேர்தலில் போட்டியிட வாய்ப்பு பெற்றுத் தருவதாக கூறி அதிமுகவுக்கு சிலர் அவப்பெயரை ஏற்படுத்த முயல்வதாக EPS அறிக்கை வெளியிட்டுள்ளார். உழைப்பவர்களுக்கு முக்கியத்துவமும் அங்கீகாரமும் உரியநேரத்தில் தரப்படும் என்றும், நேர்காணலின் அடிப்படையில் வேட்பாளர்கள் தேர்வு செய்யப்படுவர் எனவும் கூறியுள்ளார்.
Similar News
News February 1, 2026
வளர்ந்த பாரதம் இலக்கை நோக்கிய பட்ஜெட்: நிர்மலா
2047-ல் வளர்ந்த பாரதம் என்ற இலக்கை எட்டுவதையும், உற்பத்தி துறை மேம்பாட்டையும் இலக்காக கொண்டு மத்திய பட்ஜெட் தாக்கல் செய்யப்பட்டுள்ளதாக நிர்மலா சீதாராமன் தெரிவித்துள்ளார். பட்ஜெட் மூலம், 2026-27 நிதியாண்டில் இந்தியாவின் உள்கட்டமைப்பு துறையில் குறிப்பிடத்தக்க வளர்ச்சி ஏற்படும் எனக் கூறிய அவர், மக்களுக்கு சிறந்த மருத்துவ சிகிச்சை கிடைக்க உதவிடும் வகையில் அறிவிப்புகள் இடம்பெற்றுள்ளதாக தெரிவித்தார்.
News February 1, 2026
பட்ஜெட்டில் கவனத்தை ஈர்த்த அறிவிப்பு
விவசாயத்துக்கு உதவும் வகையில் ‘Bharat vistar’ எனும் AI-ஐ பட்ஜெட் தாக்கலின்போது நிர்மலா சீதாராமன் அறிமுகப்படுத்தியுள்ளார். எந்த காலத்தில் எதை பயிர் செய்யலாம், எப்படி சந்தைப்படுத்தலாம், பயிர் சேதத்தை எப்படி தடுப்பது என பல விஷயங்களை இந்த AI சொல்லிவிடும் என தெரிவித்துள்ளார். மத்திய அரசின் முக்கிய விவசாய தரவு அமைப்புகளுடன் ஒருங்கிணைக்கப்பட்டு செயல்படும் இந்த AI மூலம் விவசாயிகள் அதிக லாபத்தை ஈட்டலாம்.
News February 1, 2026
செல்போன் ரீசார்ஜ் குறைந்தது.. அதிரடி ஆஃபர்
BSNL தனது வாடிக்கையாளர்களுக்கு மலிவான விலையில் பல ரீசார்ஜ் பிளான்களை வழங்கி வருகிறது. ₹215 பிளானில் 30 நாள்களுக்கு தினமும் 2 GB டேட்டா சேவை வழங்கப்பட்டு வருகிறது. மேலும், அன்லிமிட்டெட் கால்ஸ், தினமும் 100 SMS உள்ளிட்ட அம்சங்களும் இதில் அடங்கும். இதேபோல், ₹228, ₹239, ₹269 என மலிவு விலையில் பல பிளான்கள் BSNL-ல் உள்ளன. இதே சேவையை பிற நெட்வொர்க்குகளில் பெற ₹450 வரை செலவிட வேண்டி இருக்கும்.