News November 7, 2025
முதல் ட்ரில்லியன் டாலர் பணக்காரராகும் மஸ்க்!
எலான் மஸ்க்குக்கு 1 ட்ரில்லியன் டாலரை (₹88 லட்சம் கோடி) ஊதியமாக வழங்க டெஸ்லாவின் பங்குதாரர்கள் ஒப்புதல் அளித்துள்ளனர். இதை பணமாக அல்லாமல், அடுத்த 10 ஆண்டுகளில் டெஸ்லா பங்குகளாக அவர் பெறுவார். இதன் மூலம், அவர் உலகின் முதல் ட்ரில்லியன் டாலர் பணக்காரராக வாய்ப்புள்ளது. டெஸ்லா சந்தை மதிப்பில் $8.5 டிரில்லியனை அடைய வேண்டும் என இவருக்கு டார்கெட் நிர்ணயிக்கப்பட்டுள்ளது.
Similar News
News January 20, 2026
தேர்தல் வியூகம்: நாளை பாஜக உயர்மட்ட குழு ஆலோசனை
தமிழ்நாட்டிற்கு ஜன. 23-ம் தேதி மோடி வரும் நிலையில், அதற்குள் தொகுதி பங்கீட்டை இறுதி செய்ய பாஜக திட்டமிட்டுள்ளது. இதற்காக நேற்றே டெல்லியில் உள்ள பியூஷ் கோயல் இல்லத்தில் தமிழ்நாடு பாஜக நிர்வாகிகள் முக்கிய <<18900071>>ஆலோசனை<<>> நடத்தினர். அதன் தொடர்ச்சியாக நாளை காலை மீண்டும் பியூஷ் கோயல் தலைமையில் பாஜக உயர்மட்ட குழுவின் ஆலோசனை சென்னையில் நடைபெற உள்ளதாக தகவல் வெளியாகியுள்ளது.
News January 20, 2026
மோதல் அரசியலுக்கு விதை தூவும் கவர்னர்: CPI
அமைதியும், நல்லிணக்கமும் நிலவும் TN-ல் மோதல் அரசியலுக்கு விதை தூவுகிறார் கவர்னர் ரவி என CPI மு.வீரபாண்டியன் விமர்சித்துள்ளார். ஆரம்ப நாளிலிருந்தே அரசியலமைப்பை மீறி, TN அரசுக்கு எதிராக செயல்பட்டு வருவதாக கூறிய அவர், ரவியை கவர்னர் பொறுப்பில் இருந்து நீக்க வேண்டும் என்றார். மேலும், ஆளும் அரசு மீது எந்த ஆதாரமும் இல்லாத அரசியல் அவதூறுகளை அறிக்கையாக வெளியிட்டிருப்பதாகவும் சாடியுள்ளார்.
News January 20, 2026
பாஜக தேசிய தலைவரின் சொத்து மதிப்பு இதுதான்!
பாஜகவின் தேசிய தலைவராக பொறுப்பேற்றுள்ள நிதின் நபினின் சொத்து மதிப்பு வெளியாகியுள்ளது. சட்டமன்ற தேர்தலுக்கு அவர் தாக்கல் செய்த பிரமாண பத்திரத்தின் அடிப்படையில் அவருக்கு ₹3.08 கோடி மதிப்பிலான சொத்துகளும், ₹56 லட்சம் கடனும் உள்ளது. மேலும், அவரது மனைவியிடம் ₹60,000 ரொக்கமாகவும், வங்கி கணக்கில் ₹98 லட்சமும் உள்ளதாம். அவரது மனைவி தனியார் நிறுவனம் ஒன்றை நிர்வகித்து வருவது குறிப்பிடத்தக்கது.