News November 2, 2024
மீனாட்சி அம்மன் கோவிலில் கார்த்திகை உற்சவம்
மதுரை மீனாட்சி சுந்தரேஸ்வரர் கோவிலில் திருக்கார்த்திகை உற்சவம் 10.11.2024 ஆம் தேதி முதல் 19.11.2024 ஆம் தேதி வரை நடைபெறவுள்ளதாக கோவில் நிர்வாகம் அறிவித்துள்ளது. 10 நாட்களும் அருள்மிகு மீனாட்சி சுந்தரேசுவரர் பஞ்ச மூர்த்திகளுடன் காலை, மாலை ஆகிய இரண்டு வேளைகளிலும் ஆடி வீதி புறப்பாடாகியும், 16.11.2024 திருக்கார்த்திகை அன்று மாலை திருக்கோயில் முழுவதும் இலட்ச தீபம் ஏற்றப்படும் என தெரிவிக்கப்பட்டுள்ளது.
Similar News
News November 20, 2024
மதுரையில் இன்று முதல் போக்குவரத்து மாற்றம்
மதுரையில் மேம்பால பணிகளுக்காக கோரிப்பாளையம், செல்லூர் பகுதிகளில் இன்று(நவ.20) முதல் போக்குவரத்து மாற்றம் செய்யப்பட்டுள்ளதாக மாநகர காவல்துறை தெரிவித்துள்ளது. அதன்படி நத்தம் சாலை, அழகர்கோவில் சாலையில் இருந்து வரும் அரசு பஸ்கள், கார்கள் மற்றும் இரு சக்கரவாகனங்கள் மட்டும் அவுட் போஸ்ட் வழியாக தமுக்கம் சந்திப்பு வந்து, அங்கு வலதுபுறம் திரும்பி கோரிப்பாளையம் சந்திப்பு வழியாக ஏ.வி. பாலம் செல்ல வேண்டும்.
News November 20, 2024
சாலை விபத்துகளில் 137 பேர் உயிரிழப்பு
மதுரை பாத்திமா கல்லூரி முதல் சமயநல்லூர் வரை கடந்த 6 ஆண்டுகளில் 542 விபத்துகள் நடைபெற்றுள்ளது. அதில் 137 பேர் மரணமடைந்துள்ளதாகவும், உயர்நீதிமன்ற மதுரை கிளையில் சமயநல்லூர் டிஎஸ்பி சார்பில் அறிக்கை தாக்கல் செய்யப்பட்டுள்ளது. சாலை விபத்துக்களை தடுக்க கோரி செந்தில்குமார் தாக்கல் செய்த பொதுநல மனுவில், போதிய தெருவிளக்கு வசதிகள் இல்லாதது விபத்துகளுக்கு காரணம் என அறிக்கையில் தெரிவிக்கப்பட்டுள்ளது.
News November 20, 2024
முப்படை ஓய்வூதியர்களுக்கு முக்கிய அறிவிப்பு
முப்படைகளிலிருந்து ஓய்வு பெற்று SPARSH மூலம் ஓய்வூதியம் பெறும் முன்னாள் படைவீரர், அவர்தம் விதவைகளுக்காக SPARSH OUTREACH நிகழ்ச்சியில் SPARSH ன் ராணுவ ஓய்வூதிய குறைபாடுகள் களைய பாதுகாப்பு கணக்குகளின் கட்டுப்பாட்டாளர்கள் மூலம் ராணுவ ஓய்வுதிய குறைதீர் கூட்டம் மதுரை மடீசியா ஹாலில் வரும் 22 ஆம் தேதி 9 மணியளவில் நடைபெற உள்ளது. உரிய ஆவணங்களுடன் கலந்து கொண்டு பயனடைய ஆட்சியர் சங்கீதா அறிவுறுத்தியுள்ளார்.