News January 25, 2026
மீண்டும் தமிழகம் வரும் அமித்ஷா
மாற்று கட்சிகளை கூட்டணியில் இணைப்பதில் முதலில் தொய்வில் இருந்த NDA கடந்த 2 வாரத்தில் வேகமாக செயல்பட்டது. அதன் விளைவாக பாமக, அமமுக உள்ளிட்ட பல கட்சிகளை கூட்டணியில் இணைத்து தங்களின் பலத்தை NDA அதிகரித்தது. இந்நிலையில், வரும் ஜன.28, 29 தேதிகளில் அமித்ஷா தமிழகம் வரப் போவதாக தகவல் வெளியாகியுள்ளது. அப்போது தொகுதி பங்கீடு, தேர்தல் வியூகம் குறித்து ஆலோசிக்க வாய்ப்புள்ளது.
Similar News
News February 2, 2026
கிருஷ்ணகிரியில் 7 வயது சிறுமி பரிதாப பலி!
கெலமங்கலத்தை சேர்ந்த கோபால கிருஷ்ணன் என்பவருடைய 7 வயது மகள் பிரநிதி. அப்பகுதியில் 2 வகுப்பு படித்து வந்த சிறுமி உடல் நலக்குறைவால் ஓசூர் அரசு மருத்துவமனையில் சிகிச்சை பெற்று வந்தார். இந்நிலையில் நேற்று மாலை (பிப்.1) மருத்துவமனையில் சிகிச்சை பலனின்றி உயிரிழந்தார். இது குறித்து போலீசார் வழக்குப்பதிவு செய்து விசாரணை நடத்தி வருகின்றனர். இச்சம்பவம் அப்பகுதியில் சோகத்தை ஏற்படுத்தி உள்ளது.
News February 2, 2026
சுற்றுலா மாநாட்டில் முக்கிய ஒப்பந்தம் கையெழுத்து
மாமல்லபுரத்தில் 2 நாள்கள் நடைபெறும் உலகளாவிய சுற்றுலா மாநாட்டை CM ஸ்டாலின் தொடங்கி வைத்தார். தொடர்ந்து அவரின் முன்னிலையில் முக்கிய ஒப்பந்தங்களும் கையெழுத்தாகின. இந்த மாநாடு பல்வேறு சுற்றுலா தளங்களை மேம்படுத்துவதற்கும், சுற்றுலா முதலீட்டாளர்களுடன் தனியார் பங்களிப்பை ஊக்குவிப்பதற்கும் ஒரு சிறந்த வாய்ப்பாக அமையும் என தெரிவிக்கப்பட்டுள்ளது.
News February 2, 2026
தங்கம், வெள்ளி: எதில் முதலீடு செய்வது சிறந்தது
தங்கத்தை விட வெள்ளியில் முதலீடு செய்வதே அதிக லாபத்தை தரும் என தங்க நகை வியாபாரிகள் சங்க தலைவர் ஜெயந்திலால் சலானி தெரிவித்துள்ளார். தங்கத்தில் ₹1 லட்சம், வெள்ளியில் ₹1 லட்சம் என முதலீடு செய்தால், 1 வருடம் கழித்து தங்கம் ₹1,15,000 ஆகவும், வெள்ளி ₹1,25,000 ஆகவும் இருக்கும் என விளக்கியுள்ளார். ஆபரணமாக மட்டும் இல்லாமல் தொழிற்சாலைகளுக்கும் வெள்ளி தேவைப்படுவதால் அதன் மதிப்பு அதிகம் என அவர் கூறியுள்ளார்.