News November 15, 2025
மீண்டும் இணையும் பிரபாஸ், ராஜமௌலி காம்போ!
பாகுபலி படத்தின் மூலம் பிரபாஸை பான் இந்தியன் ஸ்டாராக மாற்றியவர் ராஜமௌலி. இந்நிலையில், பிரபாஸை வைத்து அவர் மீண்டும் ஒரு படத்தை இயக்கவிருக்கிறாராம். இம்முறை பேண்டஸி படமாக அல்லாமல், ஒரு நல்ல குத்துச்சண்டை படமாக எடுக்க ராஜமௌலி திட்டமிட்டுள்ளதாக கூறப்படுகிறது. பிரபாஸ் தற்போது சலார் 2, கல்கி 2, ராஜாசாப் படங்களில் பிஸியாக இருப்பதால் அடுத்த ஆண்டு இப்படத்தின் ஷூட்டிங் தொடங்கும் என எதிர்பார்க்கப்படுகிறது.
Similar News
News November 15, 2025
திருட்டு ஓட்டு போட நினைக்கிறது திமுக: தங்கமணி
இறந்த வாக்காளர்களை, SIR மூலம் நீக்க வேண்டாமா என தங்கமணி கேள்வி எழுப்பியுள்ளார். இறந்த வாக்காளர் பெயரில் திமுக திருட்டு ஓட்டு போட பார்க்கிறார்கள் எனவும் அதனால்தான் இவ்விவகாரத்தில் அதிமுகவை திட்டுகிறார்கள் என்றும் தெரிவித்துள்ளார். மேலும், குமாரபாளையம் தொகுதியில் 40 ஆயிரம் வாக்காளர்கள் இல்லை என்ற அவர், இதை பயன்படுத்தி திமுக வெற்றிபெற திட்டமிடுவதாகவும் குற்றம்சாட்டியுள்ளார்.
News November 15, 2025
சபரிமலை ஐயப்பன் கோயில் நடை நாளை திறப்பு
நடப்பு மண்டல, மகர விளக்கு சீசனுக்காக, சபரிமலை ஐயப்பன் கோவில் நடை நாளை (நவ.16) மாலை 5:00 மணிக்கு திறக்கப்படுகிறது. டிசம்பர் 27-ல் மண்டல பூஜையும், ஜன.14-ல் மகர விளக்கு பூஜையும் நடைபெறவுள்ளது. எனவே, மாலை அணிந்து விரதம் இருப்போர், சுவாமியை தரிசிக்க திட்டமிட்டுக் கொள்ளலாம். 18-ம் படிக்கு மேல் சுவாமி சன்னதி வரை செல்போன், கேமரா ஆகியவை பயன்படுத்த தேவஸ்தானம் தடை விதித்துள்ளது.
News November 15, 2025
பிக்பாஸில் இருந்து விலகுகிறாரா விஜய் சேதுபதி?
பிக்பாஸ் தொகுப்பாளர் ஜர்னிக்கு எண்ட் கார்டு போட விஜய் சேதுபதி நினைப்பதாக பேசப்படுகிறது. இதற்கு காரணம், அவர் கமிட் ஆகியிருக்கும் பல படங்கள் பெண்டிங்கில் இருக்கிறதாம். எனவே பிக்பாஸை விடுத்து, பூரி ஜெகன்னாத்தின் தெலுங்கு படம், மணிகண்டனின் ‘முத்து என்கிற காட்டான்’ வெப் சீரிஸ் ஷூட்டிங்கில் கவனம் செலுத்தவுள்ளதாக கூறப்படுகிறது. VJS-க்கு பதிலாக பிக்பாஸை யார் ஹோஸ்ட் செய்தால் நல்லா இருக்கும்?