News March 26, 2025
மத்திய அமைச்சரிடம் கோரிக்கை மனு அளித்த மயிலாடுதுறை எம்பி
மயிலாடுதுறை பாராளுமன்ற உறுப்பினர் சுதா மத்திய ரயில்வே அமைச்சர் அஸ்வினி வைஷ்ணவை இன்று நேரில் சந்தித்து மயிலாடுதுறை தொகுதி சார்ந்த கோரிக்கைகளை முன்வைத்தார். திருச்சியில் இருந்து மயிலாடுதுறை வழியாக தாம்பரம் வரையிலான இன்டர்சிட்டி ரயிலை வாரத்தில் எல்லா நாளும் இயக்க வேண்டும், அந்தியோதயா எக்ஸ்பிரஸ் ரயில் சீர்காழி ரயில் நிலையத்தில் நின்று செல்ல வேண்டும் உள்ளிட்ட கோரிக்கைகளை வலியுறுத்தி மனு அளித்தார்.
Similar News
News October 18, 2025
மயிலாடுதுறை: மின்சாரம் தாக்கி மாணவர் பலி
செம்பனார்கோயில், சாத்தனூர் மெயின் ரோட்டை சேர்ந்தவர் நாராயணன் மகன் நவீன் குமார் (18). தனியார் கல்லூரியில் இரண்டாம் ஆண்டு படித்து வருகிறார். நேற்று கல்லூரிக்கு செல்வதற்காக தனது சட்டையை இஸ்திரி செய்தபோது இஸ்திரி பெட்டியில் இருந்து மின்சாரம் தாக்கி மயங்கி விழுந்துள்ளார். பெற்றோர் அவரை மீட்டு மருத்துவமனைக்கு கொண்டு சென்ற நிலையில் அவரை பரிசோதித்த மருத்துவர்கள் அவர் ஏற்கனவே இறந்து விட்டதாக கூறியுள்ளனர்.
News October 18, 2025
மயிலாடுதுறை: கொலை வழக்கில் 4 பேர் மீது குண்டாஸ்
மயிலாடுதுறையில் இரு கொலை வழக்குகளில் சம்பந்தப்பட்ட 4 பேர் மீது தடுப்பு காவல் சட்டத்தின் கீழ் நடவடிக்கை எடுக்கப்பட்டது. அடியமங்கலம் பகுதியில் காதல் முன்விரோதத்தால் வைரமுத்துவை கொன்ற குகன், அன்புநிதி ஆகியோர், மேலும் கொள்ளிடம் பகுதியில் லட்சுமணனை கொன்ற ராகுல், ராஜா (எ) ராமசந்திரன் ஆகியோர் மாவட்ட ஆட்சியர் உத்தரவின் பேரில் கடலூர் மத்திய சிறையில் அடைக்கப்பட்டனர்.
News October 18, 2025
மயிலாடுதுறை: இரவு ரோந்து செல்லும் காவலர்கள் விவரம்
மயிலாடுதுறை மாவட்ட காவல் கண்காணிப்பாளர் ஸ்டாலின் உத்தரவின் பேரில், மயிலாடுதுறை சீர்காழி உட்கோட்டங்களில் உட்பட்ட 14 காவல் நிலையங்களுக்கும் நேற்று(அக்.17) இரவு 11 மணி முதல், இன்று(அக்.18) காலை 8 மணி வரை இரவு ரோந்து செல்லும் போலீசாரின் விவரம் தெரிவிக்கப்பட்டுள்ளது. மேலும் தொலைபேசி எண்ணும் தெரிவிக்கப்பட்டுள்ளதால், பொதுமக்கள் பயன்படுத்தி கொள்ள தெரிவிக்கப்பட்டுள்ளது.