News January 18, 2026
மகளிர் உரிமைத் தொகை உயர்வு.. இனிப்பான செய்தி
₹2,000 உரிமைத் தொகை, ஆண்களுக்கும் இலவச பஸ் என அதிமுக அதிரடி வாக்குறுதிகளை அளித்துள்ளது. இந்நிலையில், NDA மட்டுமல்லாது, தவெகவுக்கும் அதிர்ச்சியளிக்கும் வகையில் கவர்ச்சியான வாக்குறுதிகளை வழங்க திமுக தயாராகி வருகிறதாம். இதன் ஒரு பகுதியாக மகளிர் உரிமைத் தொகையை உயர்த்தவும் திமுக திட்டமிட்டுள்ளதாக கூறப்படுகிறது. எனவே, விரைவில் இதுதொடர்பான மகிழ்ச்சியான அறிவிப்பு வெளியாகும் என எதிர்பார்க்கப்படுகிறது.
Similar News
News January 30, 2026
மறைந்த பின் ரோபோ சங்கருக்கு கவுரவம்.. உருக்கம்
தந்தைக்கும் மகளுக்கும் ஒரே நேரத்தில் ஒரே மாதிரியான கெளரவம் கோடிகளில் சிலருக்கு தான் கிடைக்கும் என்பார்கள். அப்படியானால் அந்த கோடியில் ரோபோ சங்கரும், அவருடைய மகள் இந்திரஜாவும் இருக்கின்றனர். இந்நிலையில், TN அரசின் சிறந்த காமெடி நடிகர், நடிகைக்கான விருது இருவருக்கும் அறிவிக்கப்பட்டுள்ளது. இந்த கெளரவத்தை பிரபலங்கள் பலரும் வாழ்த்த, அதனை தனது இன்ஸ்டா ஸ்டோரியில் பகிர்ந்து இந்திரஜா நெகிழ்ந்துள்ளார்.
News January 30, 2026
விஜய் பற்றி பேச EPS-க்கு தகுதியில்லை: KAS
தேர்தலில் வெற்றி பெற்ற வரலாறு EPS-க்கு இல்லை என செங்கோட்டையன் விமர்சித்துள்ளார். செய்தியாளர்களை சந்தித்த அவர், EPS எப்படி முதல்வரானார் என்று எல்லோருக்கும் தெரியும். எனவே, விஜய் பற்றி பேச அவருக்கு தகுதி இல்லை என கடுமையாக சாடினார். மேலும், திமுக – தவெக இடையேதான் போட்டி என குறிப்பிட்ட அவர், EPS தலைமையில் MLA, MP, உள்ளாட்சி என எல்லா தேர்தல்களிலும் தோல்வியை மட்டுமே அதிமுக சந்தித்துள்ளதாகவும் கூறினார்.
News January 30, 2026
FLASH: தங்கம் விலை தலைகீழாக குறைந்தது
நேற்று (ஜன.29) ஒரே நாளில் தங்கம் விலை சவரனுக்கு ₹9,520 உயர்ந்த நிலையில், இன்று (ஜன.30) தலைகீழாக குறைந்துள்ளது. இன்று காலையில் சவரனுக்கு ₹4,800, மாலையில் ₹2,800 என மொத்தம் ₹7,600 ஒரே நாளில் குறைந்துள்ளது. தற்போது சர்வதேச சந்தையில் தங்கம் விலை கணிசமாக குறைந்துள்ளதால், நாளையும் மிகப்பெரிய அளவில் தங்கம் விலை குறையலாம் என்று எதிர்பார்க்கப்படுகிறது.