News January 1, 2026
புத்தாண்டில் கைதான போலி தீர்க்கதரிசி!
2025 டிச.25-ம் தேதி உலகம் அழியும் என பீதியை கிளப்பிய எபோ நோவா என்பவரை கானா போலீஸ் கைது செய்துள்ளது. தன்னை தீர்க்கதரிசி என்றும், தான் கட்டி வரும் படகில் ஏறினால் தப்பிக்கலாம் என்றும் கூறி நிதி திரட்டினார். ஆனால் அவர் சொன்னபடி எதுவும் நடக்கவில்லை. மேலும் மக்களிடம் திரட்டிய நிதியில் ஆடம்பர கார் வாங்கியது சர்ச்சையானது. இந்நிலையில் பொது அமைதிக்கு குந்தகம் விளைவித்ததாக கூறி நோவா இன்று கைதாகியுள்ளார்.
Similar News
News January 21, 2026
ராமதாஸ் எடுக்கப்போகும் முடிவு என்ன?
பாமக (அன்புமணி), அமமுக என NDA கூட்டணியில் அடுத்தடுத்து கட்சிகள் இணைந்து வருகின்றன. அதேநேரம், திமுக, மாற்றுக் கட்சியில் உள்ள முக்கிய தலைவர்களை இணைத்து வருகிறது. இதனிடையே, பாமக நிறுவனர் ராமதாஸ், கூட்டணி தொடர்பாக இன்று மாலை தைலாபுரத்தில் ஆலோசனை நடத்தவுள்ளாராம். எனவே, அவரது முடிவும் நாளைக்குள் தெரியவரும் என எதிர்பார்க்கப்படுகிறது. ராமதாஸ் யாருடன் கூட்டணி அமைப்பார்?
News January 21, 2026
RR, RCB-க்கு கெடு விதித்த BCCI
ஜன.27-ம் தேதிக்குள் தங்களது சொந்த மைதானங்களை உறுதிப்படுத்துமாறு RR, RCB அணிகளுக்கு BCCI காலக்கெடு நிர்ணயித்துள்ளதாக தகவல் வெளியாகியுள்ளது. <<18497857>>பெங்களூரு மைதானத்தில்<<>> கடந்த ஜூன் மாதம் கூட்டநெரிசலில் 11 பேர் பலியானதை அடுத்து, அங்கு இதுவரை ஒரு போட்டி கூட நடத்தப்படவில்லை. அதேபோல், கடந்த 2 ஆண்டுகளாக ராஜஸ்தான் கிரிக்கெட் சங்க தேர்தல் நடைபெறாததால், ஜெய்பூரில் போட்டி நடத்துவதிலும் சிக்கல் ஏற்பட்டுள்ளது.
News January 21, 2026
EPS-க்கு நெஞ்சார்ந்த நன்றி தெரிவித்த TTV
ஜெயலலிதாவின் நல்லாட்சியை NDA கூட்டணி சார்பில் TN-ல் மீண்டும் அமைத்திட நாம் ஒருங்கிணைந்து பணியாற்றுவோம் என TTV தினகரன் தெரிவித்துள்ளார். மேலும் கடந்த நான்கரை ஆண்டுகளாக இருளில் மூழ்கியிருக்கும் TN-க்கு புதிய வெளிச்சத்தை பாய்ச்ச வரலாற்று வெற்றியை படைப்போம் என்றும், கூட்டணியில் இணைந்த அமமுகவை மனதார வரவேற்று வாழ்த்திய EPS-க்கு தனது நெஞ்சார்ந்த நன்றியை தெரிவிப்பதாகவும் அவர் கூறியுள்ளார்.