News December 3, 2024

புதுவை மீனவர்கள் இன்று முதல் கடலுக்குச் செல்ல அனுமதி

வங்கக் கடலில் காற்றழுத்தத் தாழ்வு நிலை காரணமாக புதுவை மீனவர்கள் கடலுக்குச் செல்ல வேண்டாம் என மீன்வளத் துறை கடந்த 25ஆம் தேதி அறிவித்தது. தமிழக மற்றும் புதுவை கடலோர மீனவர்களுக்கு வானிலை ஆய்வு மையத்தின் சார்பில் எச்சரிக்கை ஏதும் நேற்று (டிச.2) விடுக்கப்படவில்லை. எனவே, புதுவை மீனவர்கள் செவ்வாய்க்கிழமை முதல் மீன்பிடிக்க கடலுக்குள் செல்லலாம் என புதுவை மீன்வளத் துறை இயக்குநர் முகமது இஸ்மாயில் கூறினார்.