News January 2, 2026
புதுவை: மானியம் பெறும் விவசாயிகள் பட்டியல் வெளியீடு
புதுவை, அரசு வேளாண்துறை கூடுதல் வேளாண் இயக்குனர் சண்முகவேலு வெளியிட்டுள்ள செய்திக்குறிப்பில், 2025-ல் தோட்டக்கலைப்பயிர் சாகுபடி செய்து விண்ணப்பித்த விவசாயிகளின் பெயர் பட்டியல், சமுதாய தணிக்கை செய்வதற்காக, புதுவை பிராந்தியத்தின் சம்பந்தப்பட்ட உழவர் உதவியகங்களின் அறிவிப்பு பலகையில் ஒட்டப்பட்டுள்ளது. வரும் 9ந் தேதி வரை இதில் ஆட்சேபனைகள் இருந்தால் தெரிவிக்கலாம் என்றார்.
Similar News
News January 3, 2026
புதுவை: செவிலியர் பணி தேர்வு பட்டியல் வெளியீடு
புதுச்சேரி இந்திரா காந்தி அரசு மருத்துவக் கல்லூரியில் 226 செவிலியர் அதிகாரி பணியிடங்களை நிரப்ப கடந்த ஆண்டு நவம்பரில் அறிவிப்பு வெளியிடப்பட்டது.
ஆன்லைன் மூலம் 4,714 விண்ணப்பங்கள் பெறப்பட்டன. வெயிட்டேஜ் முறையில் மதிப்பெண்கள் வழங்கப்பட்டு, இட ஒதுக்கீடு விதிகளைப் பின்பற்றி தற்காலிகப் பட்டியல், காத்திருப்பு பட்டியல் தயாரிக்கப்பட்டு கல்லூரி இணையதளத்தில் நேற்று வெளியிடப்பட்டுள்ளது.
News January 3, 2026
புதுவை: போலீஸ் உடல் தகுதி தேர்வு-66 பேர் தேர்வு!
புதுச்சேரியில் போலீஸ் பணிக்கான உடல் தகுதித் தேர்வு கோரிமேடு ஆயுதப்படை மைதானத்தில் நேற்று துவங்கியது. முதல் நாளான நேற்று 500 பேர் அழைக்கப்பட்டதில், 279 பேர் மட்டுமே பங்கேற்றனர். 221 பேர் ஆப்சென்ட் ஆகினர். மேலும் நேற்று நடந்த உடல் தகுதி மற்றும் உடல் திறன் தேர்வுகளில் 279 பேரில், 66 பேர் மட்டுமே அடுத்த மாதம் நடைபெறவுள்ள எழுத்துத் தேர்வுக்கு தகுதி பெற்றுள்ளனர்.
News January 3, 2026
புதுச்சேரியில் வாகன பேன்சி எண்கள் ஏலம்
புதுவை போக்குவரத்துத் துறை ஆணையரின் செய்திக் குறிப்பில், “புதுவை போக்குவரத்துத் துறையின் PY 02 Z (காரைக்கால்) வரிசையில் உள்ள பேன்சி எண்களை https://parivahan.gov.in/fancy இணையதளத்தில் வரும் 5-ம் தேதி காலை 11 மணி முதல் 13-ம் தேதி மாலை 4:30 வரை ஏலம் விடப்பட உள்ளது. இந்த ஏலத்தில் பங்கு பெற https://parivahan.gov.in/fancy இணையதளத்தில் வரும் 5-ம் தேதி முதல் முன்பதிவு செய்யலாம்.” என அறிவிக்கப்பட்டுள்ளது.