News January 14, 2026
புதுவையில் புதிய கூட்டணி.. விஜய்க்கு அதிர்ச்சி
புதுச்சேரியில் சமீபத்தில் ஜோஸ் சார்லஸ் மார்ட்டின் தொடங்கிய லட்சிய ஜனநாயக கட்சி (LJK), என்.ஆர்.காங்கிரஸ் உடன் கூட்டணி வைக்க பேச்சுவார்த்தை நடத்தியுள்ளதாக தகவல் வெளியாகியுள்ளது. இதில், LJK-வுக்கு 2 இடங்கள் ஒதுக்க NR காங்., ஒப்புதல் தெரிவித்ததாக கூறப்படுகிறது. புதுவையில் தவெக உடன் NR காங்., கூட்டணி அமைக்கும் என்ற பேச்சு எழுந்த நிலையில், அரசியல் களத்தில் திருப்பம் ஏற்பட்டுள்ளது.
Similar News
News February 9, 2026
பாஜகவில் அதிரடி மாற்றம்… அண்ணாமலை காரணமா?
தமிழக பாஜக அமைப்பு பொதுச் செயலாளர் பதவியில் இருந்து கேசவ விநாயகம் மாற்றப்பட்டுள்ளார். அண்ணாமலை தரப்பு வைத்த குற்றச்சாட்டின் காரணமாகவே இந்த மாற்றம் நடந்ததாக கூறப்படுகிறது. தலைமையுடன் ஏற்பட்ட கருத்து வேறுபாடு காரணமாக சமீபகாலமாக அண்ணாமலை கட்சி பணிகளில் இருந்து ஒதுங்கி இருப்பதாக செய்திகள் வந்ததது. சமீபத்தில் தேர்தல் பொறுப்புகளில் இருந்தும் கூட அண்ணாமலை விலகி இருந்தது குறிப்பிடத்தக்கது.
News February 9, 2026
CSK போட்டியிலும் விசிலுக்கு தடையா?
சென்னையில் டி20 WC போட்டியின்போது விசிலுக்கு அனுமதி மறுக்கப்பட்டது. இந்நிலையில், IPL போட்டியின்போது விசிலுக்கு தடை இருக்குமா என்ற கேள்விக்கு CSK CEO காசி விஸ்வநாதன் பதிலளித்தார். இந்த விஷயம் குறித்து இப்போது எதுவும் சொல்ல முடியாது என அவர் குறிப்பிட்டார். மேலும், ஓய்வு பெறுவது குறித்து தோனியே முடிவு செய்வார் எனவும், தேர்தல் நடந்தாலும் சென்னையில் CSK போட்டிகள் நடைபெறும் என்றும் தெரிவித்துள்ளார்.
News February 9, 2026
சற்றுமுன்: விலை மளமளவென குறைந்தது
பறவைக் காய்ச்சல் அச்சம் காரணமாக சிக்கன் விற்பனை சற்று சரிந்துள்ளதாக இறைச்சி கடை வியாபாரிகள் தெரிவித்துள்ளனர். இதனிடையே, சிக்கன் விலையும் கணிசமாக குறைந்துள்ளது. அந்த வகையில் நாமக்கல் மொத்த சந்தையில் 1 கிலோ சிக்கன் ₹110 ஆக குறைந்துள்ளது. முட்டை ₹5.25-க்கு விற்பனையாகிறது. சென்னை, மதுரை, வேலூர் உள்ளிட்ட நகரங்களில் ஒரு கிலோ சிக்கன் ₹160 – ₹170 வரை குறைந்துள்ளது. உங்கள் ஊரில் 1 கிலோ சிக்கன் எவ்வளவு?