News November 15, 2024
பிளஸ் 2 பொதுத்தேர்வுக்கு 79 மையங்கள் அமைப்பு
தமிழகத்தில் பிளஸ் 2 பொது தேர்வானது 2025 மார்ச் மாதம் 3ஆம் தேதி முதல் 25ம் தேதி வரை நடைபெற உள்ளது. எனவே மாணவர் விவரங்கள் பிளஸ் 1 பொதுத் தேர்வு அடிப்படையில் தயார் செய்யப்பட்டன. இதில், மாற்றுச் சான்றிதழ் பெற்றவர்கள், இறந்து போனவர்கள் விவரங்களை நீக்கும் பணிகள் முடிந்து மாணவர் பட்டியல் தயார் செய்யப்பட்டுள்ளது. மேலும், வேலூர் மாவட்டத்தில் பிளஸ் 2 பொது தேர்வுக்கு 79 தேர்வு மையம் அமைக்கப்பட்டுள்ளன.
Similar News
News November 19, 2024
வேலூர் உழவர் சந்தை இன்றைய விலை பட்டியல்
காய்கறி (கிலோவில்) தக்காளி ரூ.20-22, வெண்டை ரூ.30, கத்தரிக்காய் ரூ.30-35, புடலை ரூ.35, பீர்க்கன் ரூ.40-50, சுரைக்காய் ரூ.30, பூசணிக்காய் ரூ.15, உருளைக்கிழங்கு ரூ.40-60, கறிவேப்பிலை ரூ.45, கொத்தமல்லி ரூ.35, கேரட் ரூ.58, பீன்ஸ் ரூ.36-40, காலிபிளவர் ரூ.20-25, முள்ளங்கி ரூ.30, பெரிய வெங்காயம் ரூ.52-65, சின்ன வெங்காயம் ரூ 60-65, இஞ்சி ரூ.50, தேங்காய் ரூ.15-20-25, அவரை ரூ.50 விற்பனை செய்யப்படுகிறது.
News November 19, 2024
வேலூர் அருகே 5 பேர் கைது
பேரணாம்பட்டு அம்பேத்கர் நகர் மாந்தோப்பில் காட்டன் சூதாட்டம் நடைபெறுவதாக பேரணாம்பட்டு போலீசாருக்கு நேற்று ரகசிய தகவல் கிடைத்தது. அதன் பேரில் போலீசார் அப்பகுதியில் ரோந்து சென்றனர். அப்போது அங்கு காட்டன் சூதாட்டத்தில் ஈடுபட்டிருந்த அப்பாஸ் (30), படையப்பா (25), ஆனந்தன் (37), சேட்டு (43), அலிமுதின் (33) ஆகிய 5 பேரை கைது செய்தனர். மேலும் அவர்களிடம் இருந்து 5 பைக்குகளை பறிமுதல் செய்தனர்.
News November 19, 2024
வேலூரில் ஒரே நாளில் 300 ஆட்டோக்களுக்கு அபராதம்
வேலூர் பழைய பஸ் நிலையம் மற்றும் அண்ணாசாலையில் போக்குவரத்து போலீசார் நேற்று திடீரென வாகன சோதனையில் ஈடுபட்டனர். அப்போது அவ்வழியாக வந்த ஆட்டோக்களை நிறுத்தி சோதனை செய்தனர். அதில் ஆவணங்கள் இல்லாமல் இயக்கப்பட்ட 25 ஆட்டோக்களை பறிமுதல் செய்தனர். மேலும் பல்வேறு விதிகளை மீறியதாக 300 ஆட்டோக்களுக்கு 1.76 லட்சம் அபராதம் விதிக்கப்பட்டுள்ளது என போக்குவரத்து போலீசார் தெரிவித்தனர்.