News April 28, 2025
பாஜக பிரமுகர் கொலை வழக்கில் முக்கிய குற்றவாளி கைது
புதுச்சேரியில் பாஜக பிரமுகர் உமா சங்கர் கொலை வழக்கில் 8 பேர் கைது செய்யப்பட்ட நிலையில், தலைமறைவாக இருந்த முக்கிய குற்றவாளியான ரவுடி கருணா கைது செய்யப்பட்டுள்ளார். கடலூரில் தலைமறைவாக இருந்த கர்ணாவை வடக்கு குற்றப்பிரிவு போலீசார் கைது செய்தனர். கருணா கைது செய்யப்பட்டுள்ளதால், இந்த வழக்கில் வெளிவராத பல்வேறு தகவல்கள் வெளிவரும் என எதிர்பார்க்கப்படுகிறது. அவருடன் சஞ்சய் என்பவரும் கைது செய்யப்பட்டுள்ளார்.
Similar News
News April 28, 2025
பாண்டிச்சேரியில் பாகிஸ்தான் பெண்
பஹல்காம் தாக்குதலை தொடர்ந்து இந்தியா பல நடவடிக்களை எடுத்து வருகிறது. இந்நிலையில் புதுவையில் லாஸ்பேட்டை பகுதியைச் சேர்ந்த ஹனீப்கான்(39) கடந்த 2013-ம் ஆண்டு அவரின் உறவினரான பாகிஸ்தானைச் சேர்ந்த பஷியாபானு (38) என்பவரைத் திருமணம் செய்து கொண்டார். இந்நிலையில் பஷியா பானு விசா கெடு முடிவடைந்த நிலையில் அவர் நாட்டை விட்டு செல்லாமல் இருப்பதால் அவர் மீது லாஸ்பேட்டை போலீசார் வழக்கு பதிந்துள்ளனர்.
News April 28, 2025
புதுவை வெண்கட்டா நகர் பகுயிதியில் மின் தடை அறிவிப்பு
புதுவை வெங்கட்டா நகர் மின் நிலையத்தில் நாளை (29-4-25) பராமரிப்பு பணிகள் காரணமாக காலை 9 மணி முதல் 1 மணி வரை ரெயின்போ நகர், செல்லான் நகர், ராஜராஜேஸ்வரி நகர் , திருவள்ளுவர் நகர், பெருமாள் கோவில் வீதி, தியாகராஜா வீதி, அண்ணா சாலை, கருவூலசாலை, காந்தி வீதி, பாரதி வீதி, ஜமீன்தார் கார்டன்மற்றும் அதனை சுற்றியுள்ள பகுதிகளில் மின் தடை என மின்துறை அறிவித்துள்ளது.
News April 28, 2025
புதுச்சேரி: குடிபோதையில் ரகளை-வாலிபர் கைது
வில்லியனூர் போலீசார் நேற்று ரோந்து சென்றனர். அப்போது வில்லியனூர் பைபாஸ் சாலையில் உள்ள தனியார் மதுபானக்கடை அருகே குடிபோதையில் பொதுமக்களிடம் ரகளையில் ஈடுபட்ட ஒருவரை மடக்கி பிடித்தனர். விசாரணையில் அவர் அதே பகுதியைச் சேர்ந்த ராஜ்குமார் (29) என்பது தெரியவந்தது. இதையடுத்து அவரை போலீசார் கைது செய்தனர்.