News March 17, 2026
பாஜக கேட்டது 35.. அதிமுக கொடுக்க முன்வருவது 27!
கூட்டணி கட்சிகளுக்கு தொகுதி பங்கீட்டை இறுதி செய்ய அதிமுக தீவிரம் காட்டி வருகிறது. 35 தொகுதிகள் வழங்குமாறு பாஜக கோரியிருந்த நிலையில், 27 தொகுதிகளை வழங்க அதிமுக முன்வந்திருப்பதாக தகவல் வெளியாகியுள்ளது. மேலும், தொகுதி பங்கீட்டு ஒப்பந்தத்தை வரும் 20-ம் தேதி இறுதி செய்ய அதிமுக திட்டமிட்டுள்ளதாம். கடந்த முறை அதிமுக கூட்டணியில் 20 இடங்களில் பாஜக போட்டியிட்டு 4 இடங்களில் வென்றது குறிப்பிடத்தக்கது.
Similar News
News April 5, 2026
3 நாள்களில் 3,000 வேட்புமனு தாக்கல்
மார்ச் 30-ல் தொடங்கிய வேட்புமனு தாக்கல் நாளையுடன் (ஏப்.6) முடிவடைகிறது. விடுமுறை நாள்கள் தவிர்த்து 3 நாள்கள் வேட்புமனுக்கள் பெறப்பட்டுள்ளன. இதுவரை 3,000 வேட்பு மனுக்கள் பெறப்பட்டுள்ளதாக ECI தெரிவித்துள்ளது. நேற்று மட்டும் 1,639 வேட்பு மனுக்கள் வந்துள்ளன. நாளை காலை 11-3 மணி வரை மட்டுமே வேட்புமனு தாக்கல் செய்யப்படும். சரியாக 3 மணிக்கு அலுவலக நுழைவாயில் மூடப்படும் என்றும் தெரிவிக்கப்பட்டுள்ளது.
News April 5, 2026
அவிநாசியில் தாமரை மலருமா? எஸ்.பி.வேலுமணி பளீச்
அதிமுக கோட்டையாக கருத்தப்பட்ட அவிநாசி தொகுதியில் பாஜகவின் எல்.முருகன் களமிறங்குகிறார். ஆனால், இதுவரை இரட்டை இலை சின்னத்திற்கு வாக்களித்த மக்கள், இம்முறை தாமரை சின்னத்தில் வாக்களிப்பார்களா என்ற கேள்வி எழுந்தது. ஆனால், இரட்டை இலை போல தாமரையும் அனைத்து மக்களுக்கும் அறியப்பட்ட சின்னம் என்பதால், மக்களிடம் எந்த குழப்பமும் வராது எனக் கூறிய எஸ்.பி.வேலுமணி, கொங்கு மண்டலத்தை அதிமுக கைப்பற்றும் என்றார்.
News April 5, 2026
அனைத்து ரேஷன் கார்டுக்கும் ₹2,500.. காங்கிரஸ் வாக்குறுதி!
புதுச்சேரியில் அனைத்து ரேஷன் கார்டுகளுக்கும் மாதந்தோறும் ₹2,500-க்கு இலவச மளிகை பொருள்கள் வழங்கப்படும் என காங்கிரஸ் புதிய வாக்குறுதி அளித்துள்ளது. மல்லிகார்ஜுன கார்கே வெளியிட்ட தேர்தல் அறிக்கையில், *1-ம் வகுப்பு முதல் PhD வரை இலவச கல்வி. *தாலிக்கு தங்கம் திட்டம். *2029-ம் ஆண்டு ராகுல்காந்தி பிரதமர் ஆனவுடன் புதுச்சேரிக்கு மாநில அந்தஸ்து உள்ளிட்ட பல வாக்குறுதிகள் இடம் பெற்றுள்ளன.